ନୀଳଗିରି (ବାଘୁଆବାର୍ତ୍ତା): ସ୍ୱଳ୍ପ ବୟସରଙ୍କ ପ୍ରେମ ବିବାହ କରି ପ୍ରେମୀ ଯୁଗଳ ବିବାହ ବନ୍ଧନରେ ବାନ୍ଧି ହୋଇଥିଲେ । ତେବେ ଏବେ ନାବାଳିକା ପତ୍ନୀ ଜଣକ ଅନ୍ତସତ୍ତ୍ୱା ହେବା ନାବାଳକ ସ୍ୱାମୀଙ୍କୁ ମହଙ୍ଗା ପଡିଛି । ଅଭିଯୋଗକ୍ରମେ ପୁଲିସ ଦୁଷ୍କର୍ମ ମାମଲା ରୁଜୁ କରି ନାବାଳକଙ୍କୁ ଗିରଫ କରିଛି । ଏମିତି ଘଟଣା ନୀଳଗିରି ଥାନା ଅଞ୍ଚଳରେ ଘଟିଛି । ସୂଚନାନୁସାରେ, ପ୍ରେମୀଯୁଗଳଙ୍କୁ ମାତ୍ର ୧୭ ବର୍ଷ ହୋଇଥିଲା । ଏତିକିବେଳେ ଘର ଛାଡି ଉଭୟେ ଲୁଚି ପଳାଇ ଯାଇଥିଲେ । ବିବାହ କରି ଘରକୁ ଫେରି ଆସିବା ପରେ ସାଙ୍ଗରେ ରହୁଥିଲେ । ଏବେ ନାବାଳିକା ପତ୍ନୀ ୫ ମାସର ଗର୍ଭବତୀ ହୋଇଥିବା ଜଣାପଡିଛି । ଏନେଇ ନାବାଳିକାଙ୍କ ମା’ ନୀଳଗିରି ଥାନାରେ ଏତଲା ଦେଇଛନ୍ତି । ଅଭିଯୋଗକ୍ରମେ ପୁଲିସ ଦୁଷ୍କର୍ମ ମାମଲା ରୁଜୁ କରି ଜାମୁଡିହା ଅଞ୍ଚଳରୁ ନାବାଳକ ସ୍ୱାମୀଙ୍କୁ ଗିରଫ କରିଛି । ତେବେ ମଙ୍ଗଳବାର ତାଙ୍କୁ କୋର୍ଟ ଚାଲାଣ କରାଯିବ ବୋଲି ଆଇଆଇସି ପ୍ରଭଞ୍ଜନ ବେହେରା ସୂଚନା ଦେଇଛନ୍ତି ।
