କରୋନା ପାଇଁ ରାଜ୍ୟ ସରକାର କଠୋର: ରାଜ୍ୟରେ ଲାଗୁହେଲା ନାଇଟ କର୍ଫ୍ୟୁ

ଭୂବନେଶ୍ୱର, (ବାଘୁଆବାର୍ତା): ରାଜ୍ୟରେ କରୋନା ସଂକ୍ରମଣ ବଢ଼ିବାରେ ଲାଗିଛି । କରୋନକୁ ନେଇ ରାଜ୍ୟ ସରକାର ୨୧ ଜଣ ଆଇଏଏସଙ୍କୁ ଦାୟିତ୍ୱ ଦେଇଥିବା ବେଳେ ଏଠାରେ ଆଜି ମୁଖ୍ୟ ଶାସନ ସଚିବ ବଡ଼ ଘୋଷଣା କରିଛନ୍ତି । ଆସନ୍ତା କାଲି ଠାରୁ ୧୦ ଜିଲ୍ଲାରେ ସନ୍ଧ୍ୟା ୬ଟାରୁ ସକାଳ ୫ଯାଏଁ ନାଇଟ୍ କର୍ଫ୍ୟୁ ଲାଗୁ କରିଛନ୍ତି । ବାକି ସବୁ ଜିଲ୍ଲାର ମୁନିସିପାଲଟି ଓ ବିଜ୍ଞାପିତ ଅଞ୍ଚଳରେ ରାତି ୯ରୁ ସକାଳ ୫ ପର୍ଯ୍ୟନ୍ତ ନାଇଟ୍ କର୍ଫ୍ୟୁ ଜାରି କରାଯାଇଛି । ବିବାହ ପାଇଁ ୫୦ ଜଣଙ୍କୁ ଅନୁମତି, ଅନ୍ତୋଷ୍ଟି କ୍ରିୟା ପାଇଁ ୨୦ ଜଣଙ୍କୁ ଅନୁମତି । ଅତି ଜରୁରୀ ସେବା ଅବ୍ୟାହତ ରହିବ । ସେହିପରି ଭାବେ ରାଜନୈତିକ ସଭା, ସାଂସ୍କୃତିକ କାର୍ଯ୍ୟକ୍ରମ ଉପରେ କଟକଣା ଲଗାଯାଇଛି । ମୁଖ୍ୟ ଶାସନ ସଚିବ ସମସ୍ତେ ମାସ୍କ ପିନ୍ଧିବା ପାଇଁ ବାଧ୍ୟତା କରିଛନ୍ତି । ନିୟମ ଉଲ୍ଲଘଂନ କଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାର ସୂଚନା ଦେଇଛନ୍ତି ।