ଜିଲ୍ଲାରେ ୧୧୪ ନୂଆ ଆକ୍ରାନ୍ତ, ଜଣେ ମୃତ

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ କରୋନା ସଂକ୍ରମଣ ପୁଣି ବୃଦ୍ଧି ପାଉଥିବା ଲକ୍ଷ କରାଯାଉଛି । ତିନି ଦିନ ଧରି ଲଗାତର ଭାବେ ସଂକ୍ରମଣ ସଂଖ୍ୟା ବୃଦ୍ଧି ପାଉଥିବା ବେଳେ ଆଜି ସାମାନ୍ୟ ହ୍ରାସ ଘଟିଛି । ଜିଲ୍ଲାରେ ଆଜି ନୂଆ ୧୧୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଫଳରେ ଜିଲ୍ଲାରେ ସକ୍ରିୟ ମାମଲା ୧୨୮୧ ବୋଲି ଜଣାଯାଇଛି । ଗତକାଲି ସକ୍ରିୟ ମାମଲା ୧୨୭୭ ରହିଥିବା ବେଳେ ଆଜି ଏଥିରେ ବୃଦ୍ଧି ପାଇଛି । ଅନ୍ୟପକ୍ଷେ ନୟାଗଡ଼ ଜିଲ୍ଲାରୁ ଆଜି ଜଣଙ୍କ କରୋନା ମୃତ୍ୟୁ ସଂମ୍ପର୍କିତ ସୂଚନା ରାଜ୍ୟ ସରକାର ଦେଇଛନ୍ତି । ଜିଲ୍ଲାରେ କରୋନା ମହାମାରୀରେ ୬୨ ଜଣଙ୍କ କରୋନା ମୃତ୍ୟୁ ହୋଇଥିବା ବେଳେ ୨ ଜଣ କରୋନା ଆକ୍ରାନ୍ତ ହୋଇ ଅନ୍ୟ ରୋଗରେ ମୃତ୍ୟୁ ବରଣ କରିଥିବା ଜଣାଯାଇଛି ।