ମୁମ୍ବାଇ, (ବାଘୁଆବାର୍ତ୍ତା): ବଲିଉଡ ଏବଂ ହଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା ପ୍ରତିଦିନ ନୂଆ ରେକର୍ଡ ସୃଷ୍ଟି କରୁଛନ୍ତି। ପ୍ରିୟଙ୍କା ଚୋପ୍ରା ନିଜ କାର୍ୟ୍ୟ ସହିତ ସାରା ବିଶ୍ୱରେ ନିଜର ପରିଚୟ ସୃଷ୍ଟି କରିଛନ୍ତି । ସମ୍ପ୍ରତି, ହପର୍ ଇନଷ୍ଟାଗ୍ରାମ ରିଚ୍ ଲିଷ୍ଟ ୨୦୨୧ ଅନୁଯାୟୀ ପ୍ରିୟଙ୍କା ଚୋପ୍ରା ୨୭ ତମ ସ୍ଥାନ ହାସଲ କରିଛନ୍ତି । ସେ ଭାରତୀୟ ମନୋରଞ୍ଜନ ଜଗତର ଏକମାତ୍ର ଷ୍ଟାର ଯିଏକି ଏହି ତାଲିକାରେ ସ୍ଥାନ ପାଇଛନ୍ତି। ବର୍ତ୍ତମାନ ସେ ଆଉ ଏକ ନୂତନ ଇତିହାସ ସୃଷ୍ଟି କରିଛନ୍ତି । ପ୍ରିୟଙ୍କା ଚୋପ୍ରା ପ୍ରଥମ ଭାରତୀୟ ଷ୍ଟାର ହୋଇଛନ୍ତି ଯାହାଙ୍କୁ ଇନଷ୍ଟାଗ୍ରାମରେ ୬୫ ମିଲିୟନରୁ ଅଧିକ ଲୋକ ଫଲୋ କରୁଛନ୍ତି। ଇନଷ୍ଟାଗ୍ରାମରେ ପ୍ରିୟଙ୍କା ଚୋପ୍ରାଙ୍କର ୬୫.୩ ନିୟୁତ ଅର୍ଥାତ୍ ୬୦ ମିଲିୟନରୁ ଅଧିକ ଫଲୋୟର୍ସ ଅଛନ୍ତି । ପ୍ରିୟଙ୍କା ଚୋପ୍ରା, କରୀନା କପୁର ଖାନ, ଦୀପିକା ପାଦୁକୋନ ସଲମାନ ଖାନ ଏବଂ ଶାହାରୁଖ ଖାନଙ୍କ ପରି ଷ୍ଟାରଙ୍କୁ ପଛରେ ପକାଇ ଇତିହାସ ସୃଷ୍ଟି କରିଛନ୍ତି। ଏହା ପରେ ଶ୍ରଦ୍ଧା କପୁର ଦ୍ୱିତୀୟ ସ୍ଥାନରେ ଅଛନ୍ତି, ଯାହାଙ୍କୁ ସୋସିଆଲ ମିଡିଆ ପ୍ଲାଟଫର୍ମରେ ପାଖାପାଖି ୬୩ ନିୟୁତ ଲୋକ ଫଲୋ କରୁଛନ୍ତି। ଏଥି ସହିତ ଦୀପିକା ପାଦୁକୋନଙ୍କୁ ୫୭.୫ ମିଲିୟନ, ଆଲିଆ ଭଟ୍ଟଙ୍କୁ ୫୩.୯ ମିଲିୟନ ଏବଂ ଅକ୍ଷୟ କୁମାରଙ୍କୁ ୫୧ ମିଲିୟନ ଲୋକ ଫଲୋ କରୁଛନ୍ତି। ମନୋରଞ୍ଜନ ଜଗତରେ ପ୍ରିୟଙ୍କା ଚୋପ୍ରା ସବୁଠାରୁ ଆଗରେ ଅଛନ୍ତି। କିନ୍ତୁ ଏହି ପ୍ରସଙ୍ଗରେ ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ତାଙ୍କଠାରୁ ବହୁତ ଆଗରେ ଅଛନ୍ତି। ୧୩୩ ନିୟୁତ ୟୁଜର୍ ଇନଷ୍ଟାଗ୍ରାମରେ ବିରାଟ କୋହଲିଙ୍କୁ ଫଲୋ କରନ୍ତି। ଇନଷ୍ଟାଗ୍ରାମର ରିଚ୍ ଲିଷ୍ଟରେ ବିରାଟ କୋହଲି ଏକମାତ୍ର ଭାରତୀୟ, ଯିଏ ପ୍ରିୟଙ୍କା ଚୋପ୍ରାଙ୍କଠାରୁ ଅଧିକ ରୋଜଗାର କରନ୍ତି। ଏହା ଜଣା ଯେ ଇନଷ୍ଟାଗ୍ରାମରେ ପ୍ରିୟଙ୍କା ଚୋପ୍ରାଙ୍କ ୬୫ ମିଲିୟନରୁ ଅଧିକ ଫଲୋୟର୍ସ ଅଛନ୍ତି। ସେ ତାଙ୍କର ଗୋଟିଏ ପୋଷ୍ଟ ପାଇଁ ତିନି କୋଟି ଟଙ୍କା ଆଦାୟ କରନ୍ତି। ଏୋହା ଅଭିନେତ୍ରୀଙ୍କ ଦ୍ୱାରା କରାଯାଇଥିବା ବ୍ୟବସାୟିକ ପୋଷ୍ଟ । ଅର୍ଥାତ୍ ସୋସିଆଲ ମିଡିଆ ପ୍ଲାଟଫର୍ମରେ କୌଣସି ପ୍ରମୋସନାଲ ପୋଷ୍ଟ କରିବା ପାଇଁ ପ୍ରିୟଙ୍କା ଚୋପ୍ରା ତିନି କୋଟି ରୋଜଗାର କରନ୍ତି। ଅନ୍ୟପକ୍ଷରେ, ବିରାଟ କୋହଲି ଏକ ପ୍ରମୋସନାଲ୍ ପୋଷ୍ଟ ପାଇଁ ୫ କୋଟି ଟଙ୍କା ରୋଜଗାର କରନ୍ତି।
ଇନଷ୍ଟାଗ୍ରାମରେ ନୂଆ ରେକର୍ଡ ସୃଷ୍ଟି କଲେ ପ୍ରିୟଙ୍କା
