ଏନଇଇଟି ପିଜି ପରୀକ୍ଷା ୪ମାସ ଘୁଂଚିଲା

ନୂଆଦିଲ୍ଲୀ,(ବାଘୁଆବାର୍ତ୍ତା): ଦ୍ୱିତୀୟ ଲହରୀରେ ମହାମାରୀ କରୋନା କାୟା ବିସ୍ତାରି ଚାଲିଥିବା ବେଳେ ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟକୁ ଦୃଷ୍ଟିରେ ରଖି ଏନଇଇଟି ପିଜି ପରୀକ୍ଷା ବାତିଲ୍ କରାଯାଇଛି । ଏହି ପରୀକ୍ଷାକୁ ୪ମାସ ଘୁଞ୍ଚାଯାଇଥିବା ଜଣାପଡିଛି । ସୂଚନାନୁସାରେ, ଦେଶରେ କରୋନା ସଙ୍କଟ ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମେଡିକାଲ ଷ୍ଟାପଙ୍କ ସଂଖ୍ୟା ବଡ଼ାଇବାକୁ ନିଷ୍ପତ୍ତି ନେଇଛନ୍ତି । ଯେଉଁଥି ପାଇଁ ନିଟ୍ ପିଜି ପରୀକ୍ଷା ୪ମାସ ପର୍ଯ୍ୟନ୍ତ ଘୁଞ୍ଚାଇଛନ୍ତି । ଏମବିବିଏସର ଅନ୍ତିମ ବର୍ଷର ଛାତ୍ରମାନେ କୋଭିଡ୍ ଡ୍ୟୁଟିରେ ନିୟୋଜିତ ହେବେ । କମ୍ ଲକ୍ଷଣ ଥିବା କରୋନା ରୋଗୀଙ୍କୁ ମନିଟରିଂ କରିବେ । ମେଡିକାଲ ଷ୍ଟାପରେ ଯେଉଁମାନେ କୋଭିଡ୍-୧୯ ଡ୍ୟୁଟିରେ ୧୦୦ଦିନ ପୁରଣ କରିଛନ୍ତି, ସେମାନଙ୍କୁ ସରକାରୀ ଚାକିରି ପାଇଁ ପ୍ରାଥମିକତା ଦିଆଯିବ ବୋଲି କୁହାଯାଇଛି ।