ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ବାଉଁଶିଆପଡ଼ା ନିକଟରେ ଆଜି ଜଣେ ବୃଦ୍ଧ ବ୍ୟକ୍ତିଙ୍କର ଟ୍ରେନରେ କଟି ମୃତ୍ୟୁ ଘଟିଥିବା ଜଣାଯାଇଛି । ମୃତକ ହେଲେ ବାଉଁଶିଆପଡ଼ା ପଂଚାୟତ ଅଭିମାନପୁର ଗ୍ରାମର ନବୀନ ନାୟକ ଓରଫ ଡାକ । ସୂଚନାନୁସ।।ରେ, ଆଜି ଖୋର୍ଦ୍ଧା ରୋଡ଼ରୁ ନୟାଗଡ଼ ଆସୁଥିବା ଟ୍ରେନରେ ଦିନ ୧୦ଟା ୩୦ ବେଳେ ଏହି ଦୁର୍ଘଟଣା ଘଟି ନବୀନଙ୍କ ହାତ ଓ ଗୋଡ଼ କଟି ଯାଇଥିଲା । ଫଳରେ ଟ୍ରେନଟି ସେଠାରେ ଅଟଳି ରହିବା ସହ ନବୀନଙ୍କୁ ଉଦ୍ଧାର କରି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା । ମାତ୍ର ଡାକ୍ତର ତାଙ୍କ ମୃତ ଘୋଷଣା କରିଛନ୍ତି । ଏହି ଅଘଟଣର କାରଣ ଜଣା ପଡ଼ିନଥିଲେ ମଧ୍ୟ ପାରିବାରିକ ଗଣ୍ଡଗୋଳ ନବୀନ ଟ୍ରେନ ଆଗକୁ ଆସି ଆତ୍ମହତ୍ୟା କରିଥିବା ଆଲୋଚନା ହେଉଛି ।
