ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଟାଉନଥାନାରେ ଆଜି ଜଣେ କରୋନା ସଂକ୍ରମିତ ବ୍ୟକ୍ତି ଧସେଇ ପଶିବା ଭୟାନକ ପରିସ୍ଥିତି ସୃଷ୍ଟି କରିଛି । ଯଦୁପୁର ଗ୍ରାମର ଆଶାଦିଦି ଶୈଳବାଳା ସେଠୀ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ଦିନତମାମ ଥାନା ପରିସରରେ ବସିବା ଏବଂ ଥାନା ଭିତରକୁ ଧସେଇ ପଶିବା ଭଳି ଅପଚେଷ୍ଟା କରିଛନ୍ତି । ଶୈଳବାଳାଙ୍କ ସାନଝିଅଙ୍କ ପାରିବାରିକ ବିବାଦ ମାମଲାକୁ ଶୈଳବାଳା ଥାନାକୁ କରୋନା ଆକ୍ରାନ୍ତ ଥିବା ଜାଣି ମଧ୍ୟ ଆସିଥିଲେ । ପୁଲିସ କର୍ମଚାରୀ ଶୈଳବାଳା କରୋନା ଆକ୍ରାନ୍ତ ଥିବା କୈାଣସି ସୁତ୍ରରୁ ଜାଣିବା ପରେ ତାଙ୍କୁ ବାହାରି ଯିବାକୁ ପରାମର୍ଶ ଦେଇଥିଲେ । ମାତ୍ର ସେ ଥାନାକୁ ଧସେଇ ପଶିବାକୁ ଚେଷ୍ଟା କରିଥିବା ଜଣାଯାଇଛି । ଏହାକୁ ନେଇ ପୁଲିସ କର୍ମଚାରୀ କୋଭିଡ୍ ନୋଡାଲ ଅଧିକାରୀଙ୍କ ସହ ଯୋଗାଯୋଗ କରିଥିଲେ । ଖବରପାଇ ମେଡିକାଲ ଟିମ ଏକ ଆମ୍ବୁଲାନ୍ସ ସହ ଥାନାରେ ପହଞ୍ଚି ଶୈଳବାଳାଙ୍କୁ ନେଇ ଯଦୁପୁର ଗାଁରେ ଛାଡ଼ିଥିବା ଜଣାଯାଇଛି । ଶୈଳବାଳା ପରୀ ହତ୍ୟାକାଣ୍ଡ ଅଭିଯୁକ୍ତ ନାବାଳକର ମାଆ ବୋଲି ଜଣାଯାଇଛି । ଅନ୍ୟପକ୍ଷେ, ଜିଲ୍ଲାରେ କରୋନା ଆକ୍ରାନ୍ତ ବ୍ୟକ୍ତି ଏଭଳି ଭାବେ ଖୁମଲଖୋଲା ବୁଲି ସଂକ୍ରମଣ ବୃଦ୍ଧି କରୁଥିବା ଜଣାଯାଇଛି ।
