ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଚିନିକଳକୁ ପୁନଃ କାର୍ଯ୍ୟକ୍ଷମ ଦାବିରେ ପଦଯାତ୍ରା ଆରମ୍ଭ ହୋଇଛି । ନୟାଗଡ଼ ଚିନିକଳ କ୍ରିୟାନୁଷ୍ଠାନ କମିଟି ଆବାହକତ୍ୱରେ ଅନୁଷ୍ଠିତ ଏହି ପଦଯାତ୍ରା ଚିନିକଳଠାରୁ ନବୀନ ନିବାସ ପର୍ଯ୍ୟନ୍ତ ଯିବ ବୋଲି ଜଣାପଡ଼ିଛି । ଆଜିଠାରୁ ଏହି ପଦଯାତ୍ରା ଆରମ୍ଭ ହୋଇଥିବା ବେଳେ ଆସନ୍ତା ୩ ତାରିଖରେ ପଦଚାରୀମାନେ ଲୋକସେବା ଭବନରେ ପହଂଚି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚାଷୀଙ୍କ ସମସ୍ୟା ଏବଂ ଅଚଳ ଚିନିକଳକୁ ପୁନଃ କାର୍ଯ୍ୟକ୍ଷମ ସଂମ୍ପର୍କରେ ଜଣାଇବେ ବୋଲି ଲକ୍ଷ୍ୟ ଧାର୍ଯ୍ୟ କରାଯାଇଛି । ଏହି ପଦଯାତ୍ରାରେ ଚାଷୀ, ଶ୍ରମିକ, ଛାତ୍ର, ଯୁବକମାନେ ସାମିଲି ହୋଇଛନ୍ତି । ଏହି ଐତିହାସିକ ପଦଯାତ୍ରା ନୟାଗଡ଼ ପାଣିପୋଇଲାଠାରୁ ବାହାରି ବୋଲଗଡ଼, ରାଜସୁନାଖଳା, ବେଗୁନିଆ, ଖୋର୍ଦ୍ଧା ଦେଇ ଫ୍ରେବୃୟାରୀ ୩ ତାରିଖ ଦିନ ଭୁବନେଶ୍ୱର ସ୍ଥିତ ରାଜ୍ୟ ଲୋକସେବା ଭବନରେ ପହଂଚି ଆମ ପ୍ରିୟ ମୁଖ୍ୟମନ୍ତ୍ରୀଙ୍କୁ ଏହି ଦାବି ସମ୍ବନ୍ଧରେ ଅବଗତ କରାଇବେ । ଅନ୍ୟପକ୍ଷେ, ଚିନିଶିଳ୍ପକୁ ନେଇ ଏବେ କୋର୍ଟରେ ଅନେକ ମାମଲା ବିଚାରଧିନ ରହିଥିବା ଜଣାପଡ଼ିଛି ।
