ନୟାଗଡ଼, (ବାଘୁଆବାର୍ତ୍ତା) : ଖୋର୍ଦ୍ଧା ଉପଜିଲ୍ଲାପାଳଙ୍କ କାର୍ଯ୍ୟଳୟର ଜଣେ କିରାଣୀ ଭିଜିଲାନ୍ସ ହାତରେ ଧରା ପଡ଼ିବା ପରେ ନୟାଗଡ଼ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ତାହାର ପଭାବ ଦେଖିବାକୁ ମିଳିଛି । ଏନେଇ ନୟାଗଡ଼ ଉପଜିଲ୍ଲାପାଳ ଲୋକଙ୍କୁ ସଚେତନ କରିବା ଉଦ୍ଦେଶ୍ୟରେ ଏକ ନୋଟିସ୍ ମାରିଥିବା ଜଣାଯାଇଛି । ଏହି ନୋଟିସ୍ରେ ଉଲ୍ଲେଖ ରହିଛି କି, ‘ନୟାଗଡ଼ ଉପଜିଲ୍ଲାପାଳଙ୍କ ଅଧିନରେ ଥିବା ସମସ୍ତ ତହସିଲ କାର୍ଯ୍ୟାଳୟକୁ ଆସୁଥିବା ଜନ ସାଧାରଣଙ୍କୁ ଅନୁରୋଧ କରା ଯାଉଛି କି ସେମାନେ ଯେକୈାଣସି କାର୍ଯ୍ୟ ପାଇଁ ନିର୍ଦ୍ଧାରିତ ସରକାରୀଦେୟଠାରୁ ଅଧିକ ଅର୍ଥ ଦିଅନ୍ତୁ ନାହିଁ । ଯଦି କୈାଣସି ସରକାରୀ କର୍ମଚାରୀ ଆପଣଙ୍କୁ ନିଦ୍ଧାରିତ ଦେୟଠାରୁ ଅଧିକ ଅର୍ଥ ଦାବି କରୁଛନ୍ତି, ତେବେ ଉପଜିଲ୍ଲାପାଳଙ୍କୁ ୯୧୭୮୧୦୭୩୯୭ କିମ୍ବା ୯୪୩୭୧୦୭୩୯୭ ନମ୍ବରରେ ଫୋନ୍ କରିବାକୁ କୁହାଯାଇଛି । ଏଥିରୁ ସିଧାସଳଖ ବୁଝା ପଡ଼ୁଛି କି, କୈାଣସି ସରକାରୀ କର୍ମଚାରୀ ଲାଞ୍ଚ ମାଗିଲେ ଉପଜିଲ୍ଲାପାଳଙ୍କୁ ଫୋନ୍ କରିବାକୁ କୁହା ଯାଇଛି । ନୟାଗଡ଼ ଉପଜିଲ୍ଲାପାଳ ଲଗ୍ନଜିତ ରାଉତଙ୍କ ଏଭଳି କାର୍ଯ୍ୟକୁ ସବୁ ମହଲରୁ ପ୍ରଶଂସା କରାଯାଇଛି ।
