ପ୍ରଶାସନଠାରୁ ୫-୧ ଗୋଲରେ ହାରିଲେ ସାମ୍ବାଦିକ

ବନ୍ଧୁତ୍ୱପୂର୍ଣ୍ଣ ଫୁଟବଲ ମ୍ୟାଚ

ନୟାଗଡ଼, (ବଘୁଆବାର୍ତ୍ତା) : ସାଧାରଣତନ୍ତ୍ର ଦିବସ ଅବସରରେ ଆଜି ପ୍ରଶାସନ ଏକାଦଶ ବନାମ ସାମ୍ବାଦିକ ଏକାଦଶ ବନ୍ଧୁତ୍ୱପୂର୍ଣ୍ଣ ଫୁଟବଲ ମ୍ୟାଚ ଅନୁଷ୍ଠିତ ହୋଇଯାଇଛି । ନୟାଗଡ଼ ଖେଳ ପଡ଼ିଆରେ ଆୟୋଜିତ ଏହି ମ୍ୟାଚରେ ସାମ୍ବାଦିକ ଏକାଦଶ ପ୍ରଶାସନ ଏକାଦଶଠାରୁ ୫-୧ ଗୋଲରେ ପରାଜୟ ସ୍ୱୀକାର କରିଛି । ଏହି ମ୍ୟାଚରେ ସମ୍ବାଦିକଙ୍କ ତରଫରୁ ଶ୍ରୀକାନ୍ତ ଖଟେଇ ନେତୃତ୍ୱ ନେଇଥିବା ବେଳେ ପ୍ରଶାସନ ପକ୍ଷରୁ ବନଖଣ୍ଡ ଅଧିକାରୀ ଧନରାଜ ଏଚ.ଡି ନେତୃତ୍ୱ ନେଇଥିଲେ । ଆୟୋଜିତ ଖେଳରେ ମୁଖ୍ୟ ଅତିଥି ଭାବେ ଉପଜିଲ୍ଲାପାଳ ଲଗ୍ନଜିତ ରାଉତ ଯୋଗ ଦେଇ ବିଜୟୀ ଦଳ ଟ୍ରଫି ପ୍ରଦାନ କରିଥିଲେ । ଏହି ଖେଳକୁ କ୍ରୀଡ଼ା ଅଧିକାରିଣୀ ସୁଜାତା ସାହୁ ପରିଚାଳନା କରିଥିବା ବେଳେ ବରିଷ୍ଠ ସାମ୍ବାଦିକ ପ୍ରମୋଦ ପଟ୍ଟନାୟକ ଏବଂ ନୟାଗଡ଼ ତହସିଲଦାର ଭିକାରି ଚରଣ ସାହୁ ଉପସ୍ଥିତ ଥିଲେ ।