ନୟାଗଡ଼,(ବାଘୁଆବାର୍ତ୍ତା): କରୋନା କଟକଣା ପାଇଁ ଡ୍ୟୁଟି କରୁଥିବା ପୁଲିସ କର୍ମଚାରୀଙ୍କ ପ୍ରତି ଆଜି ନୟାଗଡ଼ ଆରକ୍ଷୀ ଅଧିକ୍ଷକ ପ୍ରତ୍ୟୁଷ ଦିୱାକର ନିଜର ସ୍ନେହ ଶ୍ରଦ୍ଧା ବାଣ୍ଟି ଦେଇଛନ୍ତି । ମଧ୍ୟାହ୍ନରେ ଆରକ୍ଷୀ ଅଧିକ୍ଷକ ନିଜ ଗାଡ଼ିରେ ବିସ୍କୁଟ ଓ ପାଣି ବୋତଲ ନେଇ ଟ୍ରାଫିକ ଛଳରେ ଡ୍ୟୁଟି କରୁଥିବା ପୁଲିସ କର୍ମଚାରୀଙ୍କ ବାଣ୍ଟି ନିଜର ମଣିଷ ପଣିଆ ଦେଖାଇଛନ୍ତି । ଧୁ ଧୁ ଖରାରେ ପୁଲିସ କର୍ମଚାରୀମାନେ ନିଜର କର୍ତ୍ତବ୍ୟ କରୁଥିବା ବେଳେ ଲକ୍ ଡାଉନ୍ ପାଇଁ ସହରରେ ଦିନ ଗୋଟାଏ ପରେ ପାଣି ଟୋପେ ମିଳୁ ନାହିଁ । ଏ ସମୟରେ ଆରକ୍ଷୀ ଅଧିକ୍ଷକ ନିଜର ବଡ଼ ପଣିଆକୁ ଭୁଲି କର୍ମଚାରୀଙ୍କ ପ୍ରତି ଥିବା ତାଙ୍କ ସ୍ନେହ ଶ୍ରଦ୍ଧା ବାଣ୍ଟିଛନ୍ତି ।
