ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଟାଉନ ଥାନା ପୁଲିସ୍ ଆଜି ଗେଷ୍ଟ ହାଉସରେ ଅଚାନକ୍ ଚଢଉ କରିଥିଲା । ଚଢଉ ସମୟରେ ଉକ୍ତ ଗେଷ୍ଟ ହାଉସରୁ ଅସଂଯତ ଥିବା ଅବସ୍ଥାରେ ଜଣେ ଯୁବକ ଓ ଜଣେ ମହିଳାଙ୍କୁ ଉଦ୍ଧାର କରି ଆଣିଛି ଟାଉନ୍ ଥାନା ପୁଲିସ୍ । ତେବେ ଦୁଇ ଯୁବକ ଓ ମହିଳାଙ୍କ ଘର ନୟାଗଡ଼ ଥାନା ଅଞ୍ଚଳର ବୋଲି ଜଣାପଡିଛି । ସୂଚନାନୁସାରେ, ନୟାଗଡ଼ ଟାଉନ ପୁଲିସ୍ ଶନିବାର ସନ୍ଧ୍ୟାରେ ପାଟ୍ରୋଲିଂ କରୁଥିବା ବେଳେ ପୁରୁଣା ଜେଲ ଖାନା ସମ୍ମୁଖରେ ଥିବା ନିର୍ମଳା ଗେଷ୍ଟ ହାଉସ୍ ସମ୍ମୁଖରେ ଗହଳି ହୋଇଥିଲା । ଏହାକୁ ସନ୍ଦେହ କରି ପୁଲିସ୍ ନିର୍ମଳା ଗେଷ୍ଟ ହାଉସ୍ ଭିତରକୁ ପ୍ରବେଶ କରିଥିଲା । ଚଢଉ ସମୟରେ ରାମେଶ୍ୱର ସାହିର ମନମୋହନ ମହାପାତ୍ରଙ୍କ ପୁଅ ଦୀପକ୍ କୁମାର ମହାପାତ୍ର (୨୫) ଉକ୍ତ ଗେଷ୍ଟ ହାଉସର ମ୍ୟାନେଜର ଭାବେ କାର୍ଯ୍ୟ କରୁଥିଲେ । ପୁଲିସ୍ ପକ୍ଷରୁ ଚଢଉ ଜାରି ରହିଥିଲା । ଗୋଟିଏ ଘର ଭିତରୁ ଅସଂଯତ ଅବସ୍ଥାରେ ନୟାଗଡ଼ ଟାଉନ ଥାନା ଅନ୍ତର୍ଗତ ଦେଉଳପଲ୍ଲୀ ଗ୍ରାମର ଗୋକୁଳ ଚନ୍ଦ୍ର ପ୍ରଧାନଙ୍କ ପୁଅ ରାକେଶ କୁମାର ପ୍ରଧାନ(୨୭) ଅସଂଯତ ଅବସ୍ଥାରେ ଜଣେ ଯୁବତୀଙ୍କ ସହ ରହୁଥିଲେ । ପୁଲିସ୍ ପକ୍ଷରୁ ଚଢାଉ କରାଯାଇ ମଦ, ସିଗାରେଟ୍ ଓ କିଛି ଆପତ୍ତି ଜନକ ସାମଗ୍ରୀ ଜବତ କରିବା ସହ ୮୩୯୦ ଟଙ୍କା, ଦୁଇଟି ମୋବାଇଲ୍ ଫୋନ୍ ଓ ଗୋଟିଏ ମଟରସାଇକେଲ୍ ଜବତ କରାଯାଇଛି । ଏନେଇ ପୁଲିସ୍ ପକ୍ଷରୁ ଥାନାରେ କେସ୍ ନଂ-୨୬୧/୨୦୨୧ରେ ମାମଲା ରୁଜୁକରି ତଦନ୍ତ ଜାରି ରଖିଛି । ଉକ୍ତ ଗେଷ୍ଟ ହାଉସର ମ୍ୟାନେଜରଙ୍କ ସମେତ ଉଭୟ ଯୁବକ ଯୁବତୀଙ୍କୁ ପୁଲିସ୍ ଗିରଫ୍ କରିଛି । ଅଧିକ ତଦନ୍ତ ପାଇଁ ତନାଘନା ଚଲାଇଛି । ଉକ୍ତ ମାମଲାରେ ଟାଉନ ଥାନା ଆଇଆଇସି ପ୍ରଜ୍ଞାପରମିତା ଜେନା ସମେତ ଏସଆଇ ସଞ୍ଜୟ କୁମାର ମଲ୍ଲିକ୍ ନିର୍ମଳା ଗେଷ୍ଟ ହାଉସରେ ଚଢଉ କରିଥିଲେ । ପ୍ରକାଶ ଥାଉକି, ନୟାଗଡ଼ ସହରରେ ଅନେକ ଗେଷ୍ଟ ହାଉସରେ ସେକ୍ସ ଗୁମର ଚାଲିଛି । ପୁଲିସ୍ ପକ୍ଷରୁ ଅଧିକ ତଦନ୍ତ କରାଇଲେ ଅନେକ ଗେଷ୍ଟ ହାଉସ୍ ଓ ହୋଟେଲର ଗୁମର ଖୋଲିବ ।
