ରାଗେଶ୍ରୀ ନିଳୟମର ସଂଗୀତ ଆସର

ନୟାଗଡ଼,(ବାଘୁଆବାର୍ତ୍ତା): ନାଟକ ଓ ସଂଗୀତ କ୍ଷେତ୍ରରେ ସମର୍ପିତ ନୟାଗଡ଼ର ସାଂସ୍କୃତିକ ଅନୁଷ୍ଠାନ ରାଗେଶ୍ରୀ ନିଳୟମର ଅଷ୍ଟମ ମାସିକ ଆସର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ସଂସ୍କୃତି ପୁରୁଷ ପ୍ରଦୀପ୍ତ କୁମାର ପଟ୍ଟନାୟକ ଓ ସାହିତ୍ୟିକ ଡ. ବିଜୟ ଚୈାଧୁରୀ ଅତିଥି ଭାବେ ଯୋଗ ଦେଇଥିଲେ । ସୁରଗନ୍ଧର୍ବ ନବକିଶୋର ମିଶ୍ର, କଂଣ୍ଠଶିଳ୍ପୀ ପ୍ରଭାତ କୁମାର ଦାଶ, ବିଜୟାନନ୍ଦ ମହାପାତ୍ର, ମାଧବ ଚନ୍ଦ୍ର ଡାକୁଆ, ବିଭୂତି ଭୂଷଣ ସାମଲ, ଶିବ ସାହୁ, ଡ. ଆଶୁତୋଷ ମିଶ୍ର ପ୍ରମୂଖ ସଂଗୀତ ଗାନ କରିବା ସହ ନୟାଗଡ଼ର କଳା, ସାହିତ୍ୟ, ସଂସ୍କୃତିକୁ ବଂଚାଇ ରଖିବାରେ ଏହି ଆସରର ନିହାତି ଆବଶ୍ୟକତା ରହିଥିବା ମତ ଦେଇଥିଲେ । ପରିଶେଷରେ ଅନୁଷ୍ଠାନର ସଭ୍ୟ ଗୋକୁଳ କୁମାର ଷଡ଼ଙ୍ଗୀ ଧନ୍ୟବାଦ ଅର୍ପଣ କରିଥିଲେ ।