ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ବ୍ଲକ୍ ଇଟାମାଟି ଗ୍ରାମପଞ୍ଚାୟତ ଅନ୍ତର୍ଗତ ଆଞ୍ଚଳିକ ମହିଳା ଉନ୍ନୟନ କମିଟି ଇଟାମାଟି ପକ୍ଷରୁ ଶହୀଦ ଯବାନଙ୍କ ଉଦ୍ଦେଶ୍ୟରେ ଏକ କ୍ୟାଣ୍ଡେଲ ଶୋଭାଯାତ୍ରା ସାମାଜିକ ଦୂରତା ଅବଲମ୍ବନ କରି ପଞ୍ଚାୟତ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ଚୀନ୍ ସହ ସଂଘର୍ଷ ବେଳେ ଶହୀଦ ହୋଇଥିବା ୨୦ଜଣ ଭାରତୀୟ ଯବାନଙ୍କୁ ସମ୍ମାନ ଜଣାଇବା ଉଦ୍ଦେଶ୍ୟରେ ଆଞ୍ଚଳିକ ମହିଳା ଉନ୍ନୟନ କମିଟିର ସଂଗଠିକା ଅମୀତା ପ୍ରଧାନଙ୍କ ତତ୍ତ୍ୱାବଧାନରେ ସଂଗଠନର କର୍ମୀମାନେ ଶୋଭାଯାତ୍ରାରେ ସାମିଲ ହୋଇଥିଲେ । ଆୟୋଜିତ ଶୋଭାଯାତ୍ରାରେ ଚୀନର ବର୍ବରତା ଓ ବିଶ୍ୱାସଘାତକୁ ନିନ୍ଦା କରିବା ସହ ଚୀନ୍ ସାମଗ୍ରୀ ବର୍ଜନ ଲାଗି ସଂକଳ୍ପ ନେଇଥିଲେ । ଏହି ଶୋଭାଯାତ୍ରାରେ ନିର୍ମଳା ଦେଇ, ଯମୁନା ନାୟକ, ବିମଳା ମହାନ୍ତି, ସଂଯୁ ଜେନା, ସସ୍ମିତା ଜେନା, ଶଶୀ ବେହେରା, ବିମଳା ଦାସ, ଅଶାନ୍ତି ପ୍ରଧାନ, ଝରି ବେହେରା, ଜୟନ୍ତୀ ବେହେରା, ସନ୍ଧ୍ୟାରାଣୀ, ଲିପ୍ସା ମହାନ୍ତି ଓ ସୁଲୋଚନା ମହାରଣା ପ୍ରମୁଖ ସାମିଲ ହୋଇଥିଲେ ।
ଶହୀଦଙ୍କ ଉଦ୍ଦେଶ୍ୟରେ କ୍ୟାଣ୍ଡେଲ ଶୋଭାଯାତ୍ରା
