ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଶରଣକୂଳ ଥାନା ଅନ୍ତର୍ଗତ ପଂଚରିଡ଼ା ଗ୍ରାମର ଜଣେ ନାବାଳକ ନିଖୋଜ ହୋଇଥିବା ନେଇ ଅଭିଯୋଗ ହୋଇଛି । ନିଖୋଜ ନାବାଳକ ଜଣଙ୍କ ହେଲେ ପଂଚରିଡ଼ା ଗ୍ରାମର ବାବୁ ବାରିକଙ୍କ ପୁଅ ନିଳାଂଚଳ ବାରିକ ଓରଫ ମଣ୍ଟୁ (୧୫) । ସୂଚନାନୁସାରେ, ରବିବାର ମଣ୍ଟୁଙ୍କ ମାଆ ରଶ୍ମିତା ବାରିକ ଏବଂ ମାମୁଁ ଦିଲ୍ଲୀପ କୁମାର ବସନ୍ତିଆ ନୟାଗଡ଼ ଆଂଚଳିକ ପରିବହନ କାର୍ଯ୍ୟାଳୟକୁ କୈାଣସି ଆସିଥିବା ବେଳେ ଘରେ ମଣ୍ଟୁଙ୍କୁ ଛାଡ଼ି ଆସିଥିଲେ । ମାତ୍ର ମଣ୍ଟୁ ନିଜ ସାଇକେଲ ଧରି ତାଙ୍କ ପଛେ ପଛେ ଆସି ଆଂଚଳିକ ପରିବହନ କାର୍ଯ୍ୟାଳୟରେ ମାଆ ଓ ମାମୁଁଙ୍କୁ ଭେଟିଥିଲେ । କାମ ସରିବା ପରେ ମଣ୍ଟୁ ସାଇକେଲରେ ଗାଁକୁ ଫେରିବାକୁ ବାହାରିଥିବା ବେଳେ ମାଆ ଓ ମାମୁଁ ବାଇକ ଯୋଗେ ଘରକୁ ଫେରିଥିଲେ । ଦୀର୍ଘ ସମୟ ଧରି ମଣ୍ଟୁ ଘରେ ନପହଂଚିବାରୁ ପରିବାର ଲୋକେ ପୁଣି ଥରେ ନୟାଗଡ଼ ଟାଉନକୁ ଆସି ଖୋଜାଖୋଜି କରିଥିଲେ । ଦୀର୍ଘ ସମୟ ଧରି ଖୋଜିବା ପରେ ଖଣ୍ଡପଡ଼ା ରୋଡ଼ ଲକ୍ଷ୍ମଣ ନଗର ସାମନାରେ ଥିବା ଏକ ହୋଟେଲ ନିକଟରେ ମଣ୍ଟୁଙ୍କ ସାଇକେଲ ଥୁଆ ହୋଇଥିବା ଦେଖିଥିଲେ । ଏନେଇ ଆଜି ମଣ୍ଟୁଙ୍କ ମାଆ ରଶ୍ମିତା ନୟାଗଡ଼ ଟାଉନ୍ଥାନାରେ ଅଭିଯୋଗ କରିଛନ୍ତି ।
