ନୟାଗଡ଼,(ବାଘୁଆବାର୍ତ୍ତା): କେନ୍ଦ୍ରାଞ୍ଚଳ ରାଜସ୍ୱ କମିଶନର ଅନୀଲ କୁମାର ସାମଲ ଆଜି ନୟାଗଡ଼ ଜିଲ୍ଲା ଗ୍ରସ୍ତରେ ଆସି ସମୀକ୍ଷା କରିଛନ୍ତି । ରଣପୁର ବ୍ଲକ ଚାନ୍ଦପୁରଠାରେ ଅବସ୍ଥିତ ନୟାଗଡ଼ ଜିଲ୍ଲାର ପ୍ରଥମ କୋଭିଡ୍୍ ହେଲଥ୍ ସେଣ୍ଟର ପରିଦର୍ଶନ କରିଛନ୍ତି । ହେଲଥ୍ ସେଣ୍ଟରର ସମସ୍ତ କାର୍ଯ୍ୟ ତଦାରଖ କରିବା ସହ ଏଠାରେ ଥିବା ଡାକ୍ତର ଓ ସ୍ୱାସ୍ଥ୍ୟ କର୍ମୀଙ୍କ ସହ ଆନୁସଙ୍ଗିକ ବ୍ୟବସ୍ଥା ନେଇ ଆଲୋଚନା କରିଥିଲେ । କରୋନା ମୁକାବିଲା ନେଇ ଏଠାରେ କରାଯାଇଥିବା ବ୍ୟବସ୍ଥା ଏବଂ ଆଇସିୟୁ, ଭେଣ୍ଟିଲେଟର କାର୍ଯ୍ୟକ୍ଷମ ସଂମ୍ପର୍କରେ ପଚାରି ବୁଝିଛନ୍ତି । ଏଥିସହିତ କନ୍ଧ ନୟାଗଡ଼ ପଂଚାୟତ ଅଧିନରେ ଥିବା ରଘୁ ଦିବାକର ଉଚ୍ଚ ବିଦ୍ୟାଳୟଠାରେ ସଂଗରୋଧ କେନ୍ଦ୍ର ପରିଦର୍ଶନ କରିବା ସହ ଏହାର ବ୍ୟବସ୍ଥା ସଂମ୍ପର୍କରେ ଅନ୍ତେବାସୀଙ୍କ ସହ ଆଲୋଚନା କରିଛନ୍ତି । ଏହି ଗ୍ରସ୍ତ ସମୟରେ ନୟାଗଡ଼ ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟ, ଉପଜିଲ୍ଲାପାଳ ଲଗ୍ନଜିତ ରାଉତ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡା. ଶ୍ୱେତ କୁମାର ମହାପାତ୍ର, ରଣପୁର ବିଡିଓ ଓ ତହସିଲଦାର ଏବଂ ଚାନ୍ଦପୁର ଥାନା ଅଧିକାରୀ ପ୍ରମୂଖ ଉପସ୍ଥିତ ରହିଥିଲେ । ଏହି ଗ୍ରସ୍ତ ସମୟରେ କେନ୍ଦ୍ରାଞ୍ଚଳ ରାଜସ୍ୱ କମିଶନର ସମସ୍ତ ବ୍ୟବସ୍ଥା ଅନୁସନ୍ଧାନ କରି ଖୁସି ହୋଇଥିବା ଜଣାଯାଇଛି ।
