ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ବନାଞ୍ଚଳରୁ ଦୁଇଟି ସ୍ଥାନରୁ ବିପୁଳ ପରିମାଣର କାଠ, ଏକ ଅଟୋ ଜବତ କରାଯାଇଥିବା ବେଳେ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି । ବୋଦାପଡ଼ା ଗ୍ରାମରେ ବନାଞ୍ଚଳ ଅଧିକାରୀ ସୁଶାନ୍ତ କୁମାର ସ୍ୱାଇଁଙ୍କ ନେତୃତ୍ୱରେ ବନକର୍ମଚାରୀମାନେ ଗ୍ରାମରେ ଚଢ଼ାଉ କରି ଏକ ଭଙ୍ଗା ଘର ଭିତରୁ ଶାଗୁଆନ ଗଣ୍ଡି ଜବତ କରିଛନ୍ତି । ଉକ୍ତ ସ୍ଥାନରୁ ୨୩ଟି ଶାଗୁଆନ କାଠ ଗଣ୍ଡି ଜବତ କରିଛନ୍ତି । ଜବତ କାଠର ପରିମାଣ ୫୦ ହଜାରରୁ ଉଦ୍ଧ୍ୱର୍ ହେବ ବୋଲି ସୂଚନା ମିଳିଛି । ସେହିଭଳି ଭାବେ ଆଜି ମାଛିପଡ଼ାରୁ ଗ୍ରାମରୁ ବାହାରକୁ ଏକ ଅଟୋ ସାହାର୍ଯ୍ୟରେ ଶାଳ କାଠ ଚାଲାଣ ହେଉଥିଲା । ନୟାଗଡ଼ ସଦରଥାନା ଅଧିକାରୀ ଦିପକ ଖଣ୍ଡାୟତରାୟ ପ୍ରେଟୋଲିଂ ସମୟରେ ଉକ୍ତ ଅଟୋକୁ ଲେଙ୍କୁଡ଼ିପଡ଼ା ଛକରୁ ଜବତ କରି ବନବିଭାଗକୁ ହସ୍ତାନ୍ତର କରିଥିଲେ । ଉକ୍ତ ଅଟୋ ସହ ୫ ସିଫ୍ଟି ଶାଳ ସାଇଜ ଜବତ କରା ଯାଇଥିବା ସୂଚନା ମିଳିଛି । ବନବିଭାଗ ବେଆଇନ କାଠ ଚାଲାଣ ଅଭିଯୋଗରେ ମାଛିପଡ଼ା ଗ୍ରାମର ବସନ୍ତ ବାରିକଙ୍କ ପୁଅ ବିଜୟ ବାରିକକୁ ଗିରଫ କରିଥିବା ସୂଚନା ମିଳିଛି । ଚଢ଼ାଉରେ ସଦର ବନପାଳ ମନୋଜ ପ୍ରଭାକର ସାହୁ, ଖେଡ଼ପଡ଼ା ବନପାଳ ସୁମିତ୍ରା ମିଶ୍ର ଏବଂ ବନରକ୍ଷୀ ପ୍ରଫୁଲ ପ୍ରଧାନ, ବିଶ୍ୱଜିତ ସାମନ୍ତରାୟ, ଗୋପିନାଥ ମଲ୍ଲିକ, ଲିଲି ବାରିକ ପ୍ରମୂଖ ସାମିଲ ଥିବା ସୂଚନା ମିଳିଛି ।
