ନୟାଗଡ଼,(ବାଘୁଆବାର୍ତ୍ତା): ଫେରନ୍ତାଙ୍କୁ କ୍ୱାରେଣ୍ଟାଇନ୍ରେ ରଖିବା ପାଇଁ ସରକାର ପ୍ରତ୍ୟେକ ପଂଚାୟତରେ ଆଇସୋଲେସନ୍ ଗୃହ ନିର୍ମାଣ କରିଥିବା ବେଳେ ଶନିବାର ରଣପୁର ବିଧାୟକ ତଥା ଜିଲ୍ଲା ଯୋଜନା ବୋର୍ଡ଼ ଅଧ୍ୟକ୍ଷ ସତ୍ୟ ନାରାୟଣ ପ୍ରଧାନ ଶରଣକୂଳ ଗ୍ରାମ ପଂଚାୟତର ନାରାୟଣ ଉଚ୍ଚ ବିଦ୍ୟାଳୟଠାରେ ପ୍ରସ୍ତୁତ କରାଯାଇଥିବା କ୍ୱାରେଣ୍ଟାଇନ୍ ସେଣ୍ଟର ଗୃହ ପରିଦର୍ଶନ କରିଛନ୍ତି । ଏଠାରେ ଦୁଇଟି କୋଠରୀରେ ପ୍ରସ୍ତୁତ କରାଯାଇଥିବା କ୍ୱାରେଣ୍ଟାଇନ୍ ସେଣ୍ଟରକୁ ଦେଖି ବିଧାୟକ ସନ୍ତୋଷ ପ୍ରକାଶ କରିଥିବା ବେଳେ ଶରଣକୂଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ନିର୍ମାଣ କରାଯାଇଥିବା ଆଇସୋଲେସନ୍ ସେଣ୍ଟର ବ୍ୟବସ୍ଥା ଦେଖି ବିରକ୍ତି ପ୍ରକାଶ କରିଥିବା ଜଣାଯାଇଛି । ନିୟମନୁସାରେ ଆଇସୋଲେସନ୍ ସେଣ୍ଟର ଅତ୍ୟବଶ୍ୟକ ସାମଗ୍ରୀ ବ୍ୟବସ୍ଥା କରିବାକୁ ବିଧାୟକ ପରାମର୍ଶ ଦେଇଥିବା ଜଣାପଡ଼ିଛି ।
