ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରୁ ଅନେକ ଅଧିକାରୀ, ସରକାରୀ କର୍ମଚାରୀ ବିନା ଦ୍ୱିଧାରେ ହଟସ୍ପଟ ଜିଲ୍ଲାକୁ ଯାଇ ନୟାଗଡ଼ ଫେରୁଥିବା ଅଭିଯୋଗ ହେଉଛି । ସେହିଭଳି ସାଧାରଣ ଜନତା ମଧ୍ୟ ବିନା ସଂକୋଚରେ ବାହାର ଜିଲ୍ଲାକୁ ଯାଇ ପୁଣି ଫେରୁଥିବା ଜଣାଯାଇଛି । ଯାହାକୁ ନେଇ ଲୋକଙ୍କ ମନରେ ଭୟ ସୃଷ୍ଟି ହେବା ସହ କରୋନା ସଂକ୍ରମଣ ବଢ଼ିବାର ସମ୍ଭାବନା ସୃଷ୍ଟି ହୋଇଛି । ଏଣୁ ଜିଲ୍ଲା ବାହାରକୁ ଯାଉଥିବା ଅଧିକାରୀ, କର୍ମଚାରୀ ଏବଂ ସାଧାରଣ ଲୋକଙ୍କୁ କ୍ଷେତ୍ରରେ ସଂଗରୋଧ ବାଧ୍ୟତାମୂଳକ କରାଯିବା ନେଇ ଦାବି ହେଉଛି । ଜିଲ୍ଲାପାଳ ଏ ଦିଗରେ ଦୃଷ୍ଟି ଦେଇ ଉପଯୁକ୍ତ ପଦକ୍ଷେପ ନେବାକୁ ଦାବି ହେଉଛି ।
