ଶୀତ କାକରରେ ଥରୁଛି ବୟସ୍କା ମହିଳା:ନୟାଗଡ଼ ସମାଜସେବୀଙ୍କୁ ଶକ୍ତ ଚାପୁଡ଼ା

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ ଗଢି ଉଠିଛି ଶହ ଶହ ସମାଜସେବୀ ସଂଗଠନ l ବିଭିନ୍ନ ସମୟରେ ସମାଜସେବୀ ସଂସ୍ଥା ହେଉ ବା ସମାଜସେବୀ ସଂଗଠନ ନୟାଗଡ଼ ସହରର ବିଭିନ୍ନ ଅଞ୍ଚଳ ବୁଲି ସାମାଜିକ କାମରେ ସାମିଲ ହୋଇ ଫୋଟୋ ଉଠାଇ କାମସାରୀ ଦେଉଥିବା ବେଳେ ବାସ୍ତବ ଚିତ୍ର ଟିକେ ଅଲଗା l ଯାହାର କି ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ପିଟିଏସ ରାସ୍ତା କଡ଼ରେ ଶୀତ କାକରରେ ରାତି ରାତି ବିତାଉଥିବା ବୟସ୍କା ମହିଳା  l ସୂଚନାନୁସାରେ,  ନୟାଗଡ଼ ପିଟିଏସ ରାସ୍ତା କଡରେ ଜଣେ ବୟସ୍କା ମହିଳା ଶୀତ କାକରରେ ଶୋଇଥିବା ଦେଖିବାକୁ ମିଳିଛି l ଛିଡ଼ିଯାଇଥିବା ଏକ ସାଲ ଘୋଡାଇ ହୋଇ ଶୀତରେ ଥୁର ଥୁର ହୋଇ ଶୋଇଥିବା ବେଳେ ସେଇ ରାସ୍ତା ଦେଇ କେତେକ ସମାଜସେବୀ, ସଂଗଠନ ଯାଉଥିଲେ ମଧ୍ୟ ଆହାଃ କରିବାକୁ କେହି ପାଖକୁ ଆସୁନଥିବା ଦେଖିବାକୁ ମିଳିଛି l ତେବେ ଏଭଳି ଘଟଣା ସମାଜ ସେବା କ୍ଷେତ୍ରରେ ସାମିଲ ହୋଇଥିବା ସଂଗଠନ ଓ ସମାଜସେବୀ ମାନଙ୍କୁ ଶକ୍ତ ଚାପୁଡା ମାରିବା ସଦୃଶ ହୋଇଛି  l ଏଥିପ୍ରତି ପୌର ପ୍ରଶାସନ କିମ୍ବା ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ଅନୁରୋଧ କରାଯାଇଛି  l