ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଟାଉନ ଥାନା ପୁଲିସକୁ ମିଳିଛି ବଡ଼ ସଫଳତା । ଗତ କାଲି ରାତ୍ରି ପେଟ୍ରୋଲିଂ କରୁଥିବା ବେଳେ ଗଞ୍ଜାମରୁ ଭୁବନେଶ୍ୱରକୁ ଦେଶୀ ମଦ ଚାଲାଣ ହେଉଥିବା ଖବର ନୟାଗଡ଼ ଟାଉନ ଥାନାକୁ ମିଳିଥିଲା । ପୁଲିସ ଖବର ପାଇ ସିନ୍ଦୁରିଆ ନିକଟରୁ ମଦ ବୋଝେଇ ଗାଡିକୁ ଜବତ କରିବା ସହ ଦୁଇ ଜଣଙ୍କୁ ଗିରଫ କରିଛି । ଗଞ୍ଜାମ ଜିଲ୍ଲା ତାରାସିଂ ଥାନା ଗ୍ୟାଲେରୀ ଗାଁର ଅରକ୍ଷିତ ଦଳେଇଙ୍କ ପୁଅ ଚନ୍ଦ୍ରମଣି ଦଳେଇ ଓ କନ୍ଧମାଳ ଜିଲ୍ଲା ଖଜୁରୀପଡା ଥାନା ପ୍ରେମଝରୀ ଗାଁ ଫୁଲଚନ ମଲ୍ଲିକଙ୍କ ପୁଅ ମନୋହର ମଲ୍ଲିକଙ୍କୁ ପୁଲିସ ଗିରଫ କରିଛି । ଉକ୍ତ ଗାଡିରେ ୧୨୦୦ ଲିଟର ଦେଶୀ ମଦ ଥିବା ଜଣା ପଡିଛି । ପୁଲିସ ପିକପ୍ ଭ୍ୟାନ୍କୁ ଜବତ କରିବା ସହ ଦୁଇ ଜଣଙ୍କୁ ଗିରଫ କରି ଆଜି କୋର୍ଟ ଫରୁୱାର୍ଡ କରାଯିବ ବୋଲି ଜଣା ପଡିଛି । ଗଞ୍ଜାମ ଜିଲ୍ଲାରୁ ଏହି ମଦ ଭୁବନେଶ୍ୱର ଚାଲାଣ ହେଉଥିବା ସୁଚନା ମିଳିଛି ।





