ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଟାଉନ ଥାନା ପୁଲିସକୁ ମିଳିଛି ବଡ଼ ସଫଳତା । ଦୁଇ ଜଣ ଗଞ୍ଜେଇ ବେପାରୀଙ୍କ ଠାରୁ ୧ ଲକ୍ଷ ଟଙ୍କାର ଗଞ୍ଜେଇ ଜବତ କରାଯାଇଛି । ଉଭୟଙ୍କୁ ଗିରଫ କରାଯାଇ କୋର୍ଟ ଫରୁୱାର୍ଡ କରାଯାଇଛି । ସୁଚନାନୁସାରେ ନୟାଗଡ଼ ଟାଉନ ଥାନା ଆଇଆଇସି ଏକ ନିର୍ଭର ଯୋଗ୍ୟ ସୁତ୍ରରୁ ଓଡ଼ଗାଁରୁ ନୟାଗଡ଼ ଗଞ୍ଜେଇ ଚାଲାଣ ହେଉଥିବା ଖବର ମିଳିଥିଲା । ନୟାଗଡ଼ ଟାଉନ ଥାନା ପୁଲିସ ପକ୍ଷରୁ ପିଟିଏସ ଛକ ଠାରେ ସନ୍ଧ୍ୟା ସମୟରେ ଛକି ରହିଥିଲେ । ଏହି ସମୟରେ ଏକ ହୋଣ୍ଡା ଆକ୍ଟିଭ ସ୍କୁଟି ଗାଡିରେ ଦୁଇ ଜଣଙ୍କୁ ଅଟକାଇଥିଲେ । ସେମାନଙ୍କ ଠାରୁ ୧୦ କେଜି ୨୦୦ ଗ୍ରାମ ଗଞ୍ଜେଇ ଜବତ କରାଯାଇଛି । ଯାହାର ଆନୁମାନିକ ମୁଲ୍ୟ ୧ ଲକ୍ଷ ଟଙ୍କା ହେବ । ଘଡ଼ୁଆଳ ଗ୍ରାମର ନିଳକଣ୍ଠ ସାହୁଙ୍କ ପୁଅ ସହିଲ କୁମାର ସାହୁ ଓ ରଣପୁର ଥାନା ଅନ୍ତର୍ଗତ ରଙ୍କଦେଉଳୀ ଗ୍ରାମ ପଞ୍ଚାୟତ ଡମସାହି ଗ୍ରାମର ହରେକୃଷ୍ଣ ସାହୁଙ୍କ ପୁଅ ସରୋଜ କୁମାର ସାହୁଙ୍କୁ ଗିରଫ କରାଯାଇଛି । ନୟାଗଡ଼ ଟାଉନ ଥାନାରେ ୧୦୫/୨୦୨୪ ରେ ମାମଲା ରୁଜ କରାଯାଇ ଉଭୟଙ୍କୁ କୋର୍ଟ ଫରୁୱାର୍ଡ କରାଯାଇଛି । ଏଥି ସହିତ ହୋଣ୍ଡା ଆକ୍ଟିଭ ସ୍କୁଟି ଗାଡିକୁ ଜବତ କରାଯାଇଛି ।





