ଓଡ଼ଗାଁ, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଓଡ଼ଗାଁ ଥାନା ଅଂଚଳରେ ଆଜି ଏକ ଚାଞ୍ଚଲ୍ୟ କର ଘଟଣା ଘଟିଥିବା ଜଣାଯାଇଛି । ଜଣେ ମହିଳା ଜିଆରଏସଙ୍କଠାରୁ କିଛି ଦୁର୍ବୁତ୍ତ ଭତ୍ତା ଟଙ୍କା ଲୁଟି ନେଇଥିବା ଥାନାରେ ଅଭିଯୋଗ ହୋଇଛି । ସୂଚନାନସୁାରେ, ଓଡ଼ଗାଁ ଥାନା ଅନ୍ତର୍ଗତ ଭାଡ଼ିକିଳା ପଂଚାୟତ ଜିଆର୍ଏସ୍ ଗାୟତ୍ରୀ ଖଣ୍ଡେଇ ଆଜି ବୃଦ୍ଧ ବୃଦ୍ଧା ମାନଙ୍କୁ ଭତ୍ତା ଟଙ୍କା ବାଣ୍ଟି ନିଜ ସ୍କୁଟି ଯୋଗେ ବାଉଁଶଗାଡ଼ିଆରୁ ଆମ୍ବରାପୁର ରାସ୍ତାରେ ଫେରୁଥିଲେ । ଏକ ବ୍ରିଜ ନିକଟରେ ଦୁଇ ଜଣ ଦୁର୍ବତ୍ତ ତାଙ୍କୁ ଅଟକାଇ ପ୍ରଥମେ ଗାଡ଼ି ଚାବି ଛଡ଼ାଇ ନେଇଥିବା ବେଳେ ପରେ ତାଙ୍କ ଡିକି ଖୋଲି ଡିକିରେ ଥିବା ୪୫ ହଜାର ଟଙ୍କା ଲୁଟି ନେଇଥିବା ଜଣା ଯାଇଛି । ଏନେଇ ଜିଆର୍ଏସ୍ ଓଡ଼ଗାଁ ଥାନାରେ ପହଂଚି ଏତଲା ଦେଇଥିବା ବେଳେ ପୁଲିସ ଘଟଣାସ୍ଥଳରେ ପହଂଚି ତନାଘନା ଚଳାଇଥିବା ଜଣାଯାଇଛି ।
