ନୟାଗଡ଼,(ବାଘୁଆବାର୍ତ୍ତା): ଉତ୍କଳ ସମ୍ମିଳନୀ ଜିଲ୍ଲା ଶାଖା ଦ୍ୱାରା ଆୟୋଜିତ ସାହିତ୍ୟ କର୍ମଶାଳା ନୂଆ କଥା ନିଆରା ସ୍ୱର ଅନୁଷ୍ଠିତ ହୋଇଯାଇଛି । ଇନ୍ସ୍ପାୟାର ମହାବିଦ୍ୟାଳୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମହାବିଦ୍ୟାଳୟ ଅଧ୍ୟକ୍ଷ ଚିତ୍ତରଂଜନ ପଟ୍ଟନାୟକ, ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । କବୟତ୍ରୀ ବସିରନ ବିବିଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଓଡ଼ିଆ ଭାଷା ସାହିତ୍ୟର ଗବେଷକ ଡ. କୈଳାଶ ବାଣ୍ଠ ଅତିଥି ଭାବେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ତିନୋଟି ପର୍ଯ୍ୟାୟରେ ଆଲୋଚନା ଚକ୍ର ଅନୁଷ୍ଠିତ ହୋଇଥିବା ବେଳେ ପ୍ରଧାନ ପର୍ଯ୍ୟାୟରେ ପାଂଚ ଜଣ ଛାତ୍ର ଅଂଶ ଗ୍ରହଣ କରି ଓଡ଼ିଆ ଭାଷା ସାହିତ୍ୟ ପ୍ରତି ଅଧ୍ୟାପକ ଓ ଅଧ୍ୟାପିକା ଦୃଷ୍ଟିଭଙ୍ଗୀ ଉପରେ ଆଲୋକପାତ କରିଥିଲେ । ସେହିଭଳି ଦ୍ୱିତୀୟ ପର୍ଯ୍ୟାୟରେ ପାଂଚ ଜଣ ସାହିତ୍ୟିକ ଓଡ଼ିଆ ଭାଷାର ସାହିତ୍ୟକ ଭାବେ ସାହିତ୍ୟ ଉପରେ ଦୃଷ୍ଟିଭଙ୍ଗୀ ବିଷୟ ଉପରେ ଆଲୋଚନା ରଖିଥିଲେ । କାର୍ଯ୍ୟକ୍ରମର ତୃତୀୟ ପର୍ଯ୍ୟାୟରେ ପାଂଚଜଣ ଅଧ୍ୟାପକ ଅଂଶଗ୍ରହଣ କରି ଭାଷା ସାହିତ୍ୟ ସମୃଦ୍ଧିରେ ଛାତ୍ରଛାତ୍ରୀଙ୍କ ଭୂମିକା ବିଷୟ ଉପରେ ଆଲୋକପାତ କରିଛନ୍ତି । ଅନୁଷ୍ଠାନର ସଂପାଦକ ତଥା କବି ଓ ଅନୁବାଦକ ଶରତ ଚନ୍ଦ୍ର ଆଚାର୍ଯ୍ୟଙ୍କ ସଂଯୋଜନାରେ ଅନୁଷ୍ଠିତ ହୋଇଥିବା ବେଳେ ଏହା ଏକ ନିଆରା କାର୍ଯ୍ୟକ୍ରମ ବୋଲି ଅତିଥିମାନେ ମତ ଦେଇଥିଲେ । ଏହି ଅବସରେ ଦାରୁଭୂତର ପ୍ରତିଷ୍ଠାତା ଦୁଃଖିଶ୍ୟାମ ଦାସ ଓ ଶିକ୍ଷକ ସନ୍ତୋଷ ମିଶ୍ରଙ୍କ ପାଇଁ ନୀରବ ପାର୍ଥନା କରାଯାଇଥିଲା ।
