ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ମାଟି ମଞ୍ଚ ନାଟକ କ୍ଷେତ୍ରରେ ବେଶ ପୂରତନ । ବର୍ଷର ବିଭିନ୍ନ ସମୟରେ ବିଭିନ୍ନ ନାଟ୍ୟ ଅନୁଷ୍ଠାନ ଦ୍ୱାରା ମଞ୍ଚ ନାଟକ ପରିବେଷଣ କରାଯାଉଥିବା ବେଳେ ଏବେ ଏକ ନୂଆ ପରମ୍ପରା ସୃଷ୍ଟି ହୋଇଛି । ବଲାଙ୍ଗୀ ପାର୍କ ପରିସରରେ ନିର୍ମାଣ ହୋଇଥିବା ମୁକ୍ତାକାଶ ରଙ୍ଗମଞ୍ଚରେ ଦୁଇ ଦିନ ଧରି ଅନୁଷ୍ଠିତ ହୋଇଥିବା ମଞ୍ଚ ନାଟକ ସହସ୍ରାଧିକ ଦର୍ଶକଙ୍କୁ ବାନ୍ଧି ରଖିବାରେ ସମର୍ଥ ହୋଇଛି ।
ଏନେଇ ବରିଷ୍ଠ ନାଟ୍ୟକାର ବିଶ୍ୱନାଥ ମହାପାତ୍ରଙ୍କ ମତରେ ନୟାଗଡ଼ରେ ପୂର୍ବରୁ ପରିବେଷିତ ହୋଇଥିବା ନାଟକ ଗୁଡ଼ିକ ଏଭଳି କ୍ଷେତ୍ର ପାଇନଥିଲା । ସ୍ୱତନ୍ତ୍ର ଭାବେ ଚୟନ କଳାକାର । ଆବଶ୍ୟକ ପ୍ରଚାର ଓ ପ୍ରସାର । ସବୁ କ୍ଷେତ୍ରରୁ ସହଯୋଗ । ନୂତନ ସ୍ଥାନ ଏବଂ ନୂଆ ମଞ୍ଚ ଦର୍ଶକଙ୍କୁ ଟାଣି ଆଣିବାରେ ସକ୍ଷମ ହୋଇଛି । ମଞ୍ଚ ନାଟକ ଏବଂ ମୁକ୍ତାକାଶ ରଙ୍ଗମଞ୍ଚ ମଧ୍ୟରେ ଅନେକ ଫରକ ରହିଥିଲେ ବି ନାଟକ ପ୍ରତି ଲୋକଙ୍କ ରୂଚି ବଢ଼ିବ ବୋଲି ଆଶା କରାଯାଉଛି ।
