ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସହରରେ ନାଟ୍ୟଧାରା ଏବଂ ଜିଲ୍ଲା ସଂସ୍କୃତି ପରିଷଦ ଆନୁକୁଲ୍ୟରେ ଆୟୋଜିତ ନାଟ୍ୟ ମହୋତ୍ସବ-୨୦୨୧ ଆଜି ଉଦ୍ୟାପିତ ହୋଇଯାଇଛି । ଉଦ୍ୟାପନି ସଂନ୍ଧ୍ୟାରେ ଅତିଥି ଭାବେ ପୈାର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା, ନାଟ୍ୟକାର ନବୀନ ପରିଡ଼ା, ଶରତ ମାଝୀ ଏବଂ ନିଜେ ପ୍ରଜ୍ଞା ରଞ୍ଜନ ଖଟୁଆ ଉପସ୍ଥିତ ରହି ନାଟକ ଏବଂ ନୟାଗଡ଼ରେ ପ୍ରଚଳିତ ନାଟ୍ୟ ଧାରା ସଂମ୍ପର୍କରେ ବକ୍ତବ୍ୟ ରଖଥିଲେ । ଏହି ଅବସରରେ ଲୋକନୃତ୍ୟକୁ ସମଗ୍ର ରାଜ୍ୟରେ ପରିଚିତ କରିଥିବା ନୟାଗଡ଼ ଡିଆଁପଡ଼ା ଗ୍ରାମର ନାଟ୍ୟ ବ୍ୟକ୍ତିତ୍ୱ ଭିକ୍ଷାକାରୀ ମହାପାତ୍ରଙ୍କ ଉଦ୍ଦେଶ୍ୟରେ ତାଙ୍କ ପୁଅ ବିଜୟ ମହାପାତ୍ରଙ୍କୁ ସମ୍ବର୍ଦ୍ଧିତ କରାଯାଇଥିଲା । ନାଟ୍ୟଧାର ସଭାପତି ପ୍ରମୋଦ ପଟ୍ଟନାୟକ, ସମ୍ପାଦକ ଲକ୍ଷ୍ମୀଦର ମହାପାତ୍ର ଏବଂ ନିର୍ଦ୍ଦେଶକ ଡ. ବିଜୟ କୁମାର ଚୈାଧୁରୀ ପ୍ରମୂଖ କାର୍ଯ୍ୟକ୍ରମ ପରିଚାଳନା କରିଥିଲେ ।
