ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସହର ପୈାର ପରିଷଦ ଆନୁକୁଲ୍ୟରେ ଆଜି ୧୧.୫ କିଲୋମିଟର ରସ୍ତା ଆଲୋକିକରଣ କାର୍ଯ୍ୟର ଶୁଭ ଉଦ୍ଘାଟନ କରାଯାଇଛି । ନୟାଗଡ଼ ବିଧାୟକ ତଥା କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଏହାକୁ ଉଦ୍ଘାଟନ କରିଛନ୍ତି । ଏହି ଅବସରରେ ପୂର୍ବତନ ନଗରପାଳ ଗୁରୁପ୍ରସାଦ ଜେନାଙ୍କ ସଭାପତିତ୍ୱରେ ଆୟୋଜିତ ସଭାରେ ଅନ୍ୟମାନଙ୍କ ମଧ୍ୟରେ ପୈାର ନିର୍ବାହୀ ଅଧିକାରୀ ସନ୍ତୋଷ ଜେନା, ପ୍ରକଳ୍ପ ନିର୍ଦ୍ଦେଶକ ସୁବାସ ଚନ୍ଦ୍ର ରାୟ ପ୍ରମୂଖ ଉପସ୍ଥିତ ରହିଥିଲେ । ରାଜ୍ୟ ସରକାରଙ୍କ ଅନୁଦାନରେ ଏହି ଆଲୋକିକରଣ କାର୍ଯ୍ୟ କରାଯାଇଥିବା ପୈାର ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା ସୂଚନା ଦେଇଛନ୍ତି । ନୟାଗଡ଼ ସହର ପୁରୁଣା ବସଷ୍ଟାଣ୍ଡଠାରୁ ଷ୍ଟେସନ୍, ସିନ୍ଦୁରିଆଠାରୁ ଷ୍ଟେସନ, ସଦରଥାନାଠାରୁ ଭାଲୁଖୋଲ, ଓଡ଼ଗାଁ ରାସ୍ତାରେ ମାର୍ଥା କଲୋନୀଠାରୁ ଲେଙ୍କୁଡ଼ିପଡ଼ା, ଭିଜିଲାନ୍ସ ଅଫିସଠାରୁ ପୁଲିସ ଟ୍ରେନିଂ ସ୍କୁଲ, ଜଗନ୍ନାଥମନ୍ଦିରଠାରୁ ଝୁମ୍ପୁରୀ, ଜିଲ୍ଲାପାଳଙ୍କ ବାସଭବନଠାରୁ ହାଉସିଂବୋର୍ଡ଼ ପ୍ରଭୃତି ଅଞ୍ଚଳରେ ମୋଟ ୧୧.୫ କିମି ରାସ୍ତା ପାଶ୍ୱର୍ରେ ଏଲଇଡି ଲାଇଟ ଆଜିଠାରୁ ଜଳିବା ଆରମ୍ଭ ହୋଇଛି । ଏହି ଅବସରରେ ଆଗାମୀ ଦିନରେ ପୈାରାଞ୍ଚଳର ୨୩ କିଲୋମିଟର ଆଲୋକୀକରଣ କରାଯିବା ନେଇ ମନ୍ତ୍ରୀ ଡ. ସାହୁ ସୂଚନା ଦେଇଛନ୍ତି । ସହରବାସୀଙ୍କୁ ପାନୀୟ ଜଳ, ଉଜ୍ୱଳ ଆଲୋକ, ସହର ସୈାନ୍ଦର୍ଯ୍ୟକରଣ ଏବଂ ନୂତନ ବସଷ୍ଟାଣ୍ଡ ନିର୍ମାଣ ଖୁବଶୀଘ୍ର କରାଯିବ ବୋଲି କହିଛନ୍ତି । ତା ସହିତ ପୁରୁଣାଜେଲ ଏକ ନୂଆରପ ରେଖ ନେବ ବୋଲି ସୂଚନା ଦେଇଛନ୍ତି । ପ୍ରତ୍ୟେକ ନାଗରିକ ନୟାଗଡ଼ ମାଟିକୁ ନିଜର ବୋଲି ଭାବିବା ଦରକାର ବୋଲି ମନ୍ତ୍ରୀ ତାଙ୍କ ବକ୍ତବ୍ୟରେ କହିଛନ୍ତି । କାର୍ଯ୍ୟକ୍ରମରେ ପୈାର କର୍ମଚାରୀ ଏବଂ ବହୁ ଜନସାଧାରଣ ଯୋଗ ଦେଇଥିଲେ ।
