ନୟାଗଡ଼,(ବାଘୁଆବାର୍ତ୍ତା): ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନର ମୁଖ୍ୟ ସ୍ଥପତି ତଥା ଓଡ଼ିଆ ଜାତିର ପ୍ରାଣ ପ୍ରତିଷ୍ଠାତା ଉତ୍କଳ ଗୌରବ ମଧୁସୂଦନ ଦାସଙ୍କ ୧୭୩ତମ ଜୟନ୍ତୀ ଭାରତ ବିକାଶ ପରିଷଦ,ନୟାଗଡ଼ ଶାଖା ପକ୍ଷରୁ ନିରାଡ଼ମ୍ବର ଭାବେ ପାଳିତ ହୋଇଯାଇଛି । ଏ ନେଇ ଆଜି ବିକାଶ ପରିଷଦ ପକ୍ଷରୁ ସ୍ଥାନୀୟ ବ୍ରଜେନ୍ଦ୍ର ହାଇସ୍କୁଲ ପରିସରରେ ଥିବା ମଧୁସୂଦନଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯିବା ସ୍ୱତନ୍ତ୍ର ଉତ୍କଳ ପ୍ରଦେଶ ଗଠନରେ ପ୍ରଚଣ୍ଡ ସ୍ୱାଭିମାନୀ ମଧୁବାବୁଙ୍କ ଭୂମିକା ସଂପର୍କରେ ଆଲୋଚନା କରାଯାଇଥିଲା । ଓଡ଼ିଶାର ପ୍ରଥମ ଏମ.ଏ, ପ୍ରଥମ ଏଲ.ଏଲ.ବି, ପ୍ରଥମ ବାରିଷ୍ଟର,ପ୍ରଥମ ଓଡ଼ିଆ ଓକିଲ ତଥା ପ୍ରଥମ ଗ୍ରାଜୁଏଟ ଭାବେ କୁଳବୃଦ୍ଧ ମଧୁସୂଦନ ସମଗ୍ର ଓଡ଼ିଆ ଜାତିର ସ୍ୱଭିମାନର ପ୍ରତୀକଭାବେ ଘରେ ଘରେ ପରିଚିତ ବୋଲି ଉପସ୍ଥିତ ସଦସ୍ୟମାନେ ମତବ୍ୟକ୍ତ କରିଥିଲେ । ସାମାଜିକ ଦୂରତାକୁ ରକ୍ଷା କରି ଭାରତ ବିକାଶ ପରିଷଦ ପକ୍ଷରୁ ସମାଜସେବୀ ପ୍ରମୋଦ ପଟ୍ଟନାୟକ, ପ୍ରଦୀପ ସାହୁ, ବିଦ୍ୟାଧର ଆଚାର୍ଯ୍ୟ, ଶ୍ରୀଧର ସାହୁ, ସାହିତ୍ୟିକ ନିର୍ମଳ ଶୂରଦେଓ ଏବଂ ଲକ୍ଷ୍ମୀଧର ସାହୁ ପ୍ରମୁଖ ଉପସ୍ଥିତ ଥିଲେ ।
