ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସହର ମଧ୍ୟରେ ଥିବା ଏକ ମଦ ଦୋକାନରୁ ଗତକାଲି ରାତିରେ ଚୋରୀ ହୋଇଥିବା ଅଭିଯୋଗ ହୋଇଛି । ପୁଲିସ ଘଟଣାର ଛାନଭିନ୍ ଚଳାଇଥିବା ବେଳେ ଚୋରୀ ପଛରେ କିଛି ଜଣାଶୁଣା ବ୍ୟକ୍ତିଙ୍କ ହାତ ଥିବା ସନ୍ଦେହ ସୃଷ୍ଟି ହୋଇଛି । ସୂଚନାନୁସାରେ, ନୟାଗଡ଼ ପୁରୁଣା ବସଷ୍ଟାଣ୍ଡ ପାଖରେ ଥିବା ଶକ୍ତି ପ୍ରସାଦ ମିଶ୍ରଙ୍କ ମଦ ଦୋକାନରୁ ରାତିରେ ୫ ଲକ୍ଷ ଟଙ୍କା ଚୋରୀ ହୋଇଥିବା ନେଇ ଅଭିଯୋଗ ହୋଇଛି । ଦୋକାନ ଭିତର ସିଲିଂ କଣା କରି ଚୋରୀ କରାଯାଇଥିବା ସନ୍ଦେହ ପ୍ରକାଶ ପାଇଛି । ଅନ୍ୟପକ୍ଷେ ଦୋକାନ ସିସି ଟିଭି ବନ୍ଦ ଥିବାରୁ ଘଟଣାକୁ ଅଧିକ ସନ୍ଦେହ ଭିତରକୁ ଟାଣି ନେଇଛି । ଘଟଣାସ୍ଥଳରେ ଟାଉନଥାନା ଅଧିକାରୀ ଜୟଦୀପ ମହାନ୍ତି, ଏସଆଇ ଧମେନ୍ଦ୍ର ଶିଆଳ, ସ୍ମୃତି ରଂଜନ ମହାନ୍ତି ତଦନ୍ତ ଚଳାଇଛନ୍ତି । ଚୋର କିଭଳି ଦୋକାନରେ ପ୍ରବେଶ କରିଛି ତାକୁ ପୁଲିସ ପ୍ରାଥମିକ ଭାବେ ଦେଖିବା ସହ ଅନୁସନ୍ଧାନ ଚଳାଇଛି ।
