ନୟାଗଡ଼,(ବାଘୁଆବାର୍ତ୍ତା): ଗଣିଆ ବ୍ଲକ କିଶୋରପ୍ରସାଦ ପଞ୍ଚାୟତ ନିର୍ବାହୀ ଅଧିକାରୀ କପିଳଚନ୍ଦ୍ର ପ୍ରଧାନଙ୍କର ଆଜି କାର୍ଯ୍ୟସ୍ଥଳୀରେ ହୃଦଘାତ ଘଟି ମୃତ୍ୟୁ ଘଟିଥିବା ଜଣାପଡିଛି । ଶ୍ରୀ ପ୍ରଧାନ ଆଜି ଅପରାହ୍ନ ୩ ଘଟିକା ସମୟରେ ବ୍ଲକ କାର୍ଯ୍ୟାଳୟରେ ଥିବା ସମୟରେ ହଠାତ୍ ଛାତିରେ ଯନ୍ତ୍ରଣା ଅନୁଭବ କରିଥିଲେ । ବେଳକୁ ବେଳ ଯନ୍ତ୍ରଣା ଅଧିକ ହେବାରୁ ସେ ନିଜ ପଞ୍ଚାୟତ କିଶୋରପ୍ରସାଦରେ ପହଞ୍ଚିବା ପରେ ସେଠାରୁ ତାଙ୍କୁ କଣ୍ଟିଲୋ ଡାକ୍ତରଖାନା ଓ ପରେ ଖଣ୍ଡପଡ଼ା ମେଡିକାଲକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖଣ୍ଡପଡା ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହିତ ବ୍ୟବଛେଦ ପାଇଁ ପଠାଇଥିଲେ । ମୃତ ପ୍ରଧାନଙ୍କର ଘର ଖଣ୍ଡପଡା ବ୍ଲକ ବଡ ବାଣପୁର ଅଞ୍ଚଳରେ ବୋଲି ଜଣାପଡିଛି । ତାଙ୍କ ଅକାଳ ମୃତ୍ୟୁରେ ଗଣିଆ, ବାଣପୁର ଅଞ୍ଚଳରେ ଶୋକର ଛାୟା ଖେଳି ଯାଇଛି । ଜଣେ ମେଳାପି ତଥା ସାହାର୍ଯ୍ୟକାରୀ ବ୍ୟକ୍ତି ଭାବେ ଜଣାଶୁଣା ଥିଲେ । ଡାକ୍ତରଖାନାରେ ଗଣିଆ ବିଡିଓ ସିରିୟାଲ ପଟେଲଙ୍କ ସମେତ ବ୍ଲକର ସମସ୍ତ କର୍ମଚାରୀ ଉପସ୍ଥିତ ଥିଲେ ।
