ସବୁ ମେଲା, ଅନ୍ଧାରରେ ବ୍ୟବସାୟୀ
ନୟାଗଡ଼,(ବାଘୁଆବାର୍ତ୍ତା): ଜିଲ୍ଲା ପ୍ରଶାସନ କାନ୍ଧରେ ବନ୍ଧୁକ ଓ ଗୁଳି ଧରାଇ ଦେଇ କେନ୍ଦ୍ର ସରକାର ଓ ରାଜ୍ୟ ସରକାର କରୋନା ମୁକାବିଲା ପାଇଁ ଜିଲ୍ଲା ମୁଖିଆ ଓ ପୈାର ପ୍ରଶାସନ ଉପରେ ଉକ୍ତ ଅଂଚଳର ବ୍ୟବସ୍ଥା ନ୍ୟସ୍ତ କରିଛନ୍ତି । ସେହି ଅଂଚଳର ପରିସ୍ଥିତିକୁ ଲକ୍ଷ୍ୟ କରି ଜିଲ୍ଲା ମୁଖିଆ ଓ ପୈାର ମୁଖିଆ ନିୟମ ପ୍ରଣୟନ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି । ପୂର୍ବକଟକଣା ଅନୁଯାୟୀ ନିତ୍ୟବ୍ୟବହାର୍ଯ୍ୟ ସାମଗ୍ରୀ ବାଦ ଭାରତ ସରକାର ଏବଂ ରାଜ୍ୟ ସରକାର ଅଣଅତ୍ୟାବଶ୍ୟକ ବ୍ୟବସାୟ ପ୍ରତିଷ୍ଠାନ ଖୋଲିବାକୁ କଟକଣା କୋହଳ କରିଥିବା ବେଳେ ଏହି ନିୟମକୁ ନେଇ ନୟାଗଡ଼ ସହରର ସବୁ ଦୋକାନ ଖୋଲା ରହିଛି । ଗତ ଦୁଇଦିନ ତଳେ ପୈାର ପରିଷଦ ପକ୍ଷରୁ ବିଭିନ୍ନ ଦୋକାନକୁ ସିଲ୍ କରାଯାଇଥିବା ବେଳେ ପରମୂହୂର୍ତ୍ତରେ ଚାବି ଫେରାଇ ଦିଆଯାଇଛି । ସୂଚନାନୁସାରେ, ବହି ଦୋକାନ, ମୋବାଇଲ ମରାମତି ଦୋକାନ, ଭାଉଚର, ଫ୍ୟାନ ମରାମତି ଦୋକାନ ଖୋଲା ରହିବା ପାଇଁ ପ୍ରଶାସନ ପକ୍ଷରୁ ନିର୍ଦ୍ଦେଶନାମ ଜାରି ହୋଇଛି । ଅନ୍ୟ ଏକ ପକ୍ଷରେ କେନ୍ଦ୍ର ସରକାରଙ୍କ ନିୟମ ମୁତାବକ, ଏଠି ସବୁ ଖୁଲମ୍ ଖୋଲା ବ୍ୟବସାୟ ଚାଲିଛି । କେନ୍ଦ୍ର ଓ ରାଜ୍ୟ ସରକାରଙ୍କ ନିୟମକୁ ବ୍ୟବସାୟୀମାନେ ଧରି ବସିଛନ୍ତି । ଅନ୍ୟଏକ ପକ୍ଷରେ ପ୍ରଶାସନ ପାଖରେ ବନ୍ଧୁକ ଓ ଗୁଳି ସବୁ ଥିଲେ ମଧ୍ୟ ଫୁଟାଇବା ପାଇଁ କେହି ପ୍ରସ୍ତୁତ ନୁହନ୍ତି । ଯାହା ଦ୍ୱାରା କି, ସହରର ବ୍ୟବସାୟୀମାନେ ଆଜି ନିୟମକାନୁନ ମଧ୍ୟରେ ଧନ୍ଦି ହୋଇ ଜିଲ୍ଲା ପ୍ରଶାସନର ପୂର୍ବ ନିୟମୁନୁସାରେ, ସକାଳ ୭ଟାରେ ବ୍ୟବସାୟ ପ୍ରତିଷ୍ଠାନ ଖୋଲି ଦିନ ୧ଟାରେ ବନ୍ଦ କରି ଦେଇଛନ୍ତି । କେଉଁ ବ୍ୟବସାୟ ପ୍ରତିଷ୍ଠାନ ଖୋଲିବ ଏବଂ କେତେ ସମୟ ଖୋଲିବ ସେ ନେଇ ସ୍ପଷ୍ଟି କରଣ ଦେବାକୁ କେହି ରାଜି ନୁହଁନ୍ତି । ଜିଲ୍ଲା ପ୍ରଶାସନ ପକ୍ଷରୁ ଏଥିପ୍ରତି ଧ୍ୟାନ ନଦେଲେ ଆଗାମୀ ଦିନରେ ସବୁ ମୁକୁଳା ପଡ଼ିବ ।
