ନୟାଗଡ଼ କେ.ସି. କ୍ଲବରେ ହେବ ଦୁଇ ଦିନିଆ ରାଜ୍ୟ ସ୍ତରୀୟ ବ୍ରିଜ ଟୁର୍ଣ୍ଣାମେଣ୍ଟ

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ କୃଷ୍ଣଚନ୍ଦ୍ର କ୍ଲବରେ ହେବ ଦୁଇଦିନିଆ ରାଜ୍ୟ ସ୍ତରୀୟ ବ୍ରିଜ ଟୁର୍ଣ୍ଣାମେଣ୍ଟ । ଆସନ୍ତା ୧୦ ଓ ୧୧ ତାରିଖ ଦୁଇ ଦିନ ଧରି ଏହି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ । ରାଜ୍ୟର ପ୍ରତ୍ୟେକ ଜିଲ୍ଲାରୁ ଖେଳାଳୀ ମାନେ ଯୋଗ ଦେବେ । ଏଥି ସହିତ ଉକ୍ତ ପ୍ରତିଯୋଗିତାରେ ରାଜ୍ୟର ବିଭିନ୍ନ ସୁନାମଧନ୍ୟ ଟିମ ଅଂଶଗ୍ରହଣ କରିବେ । ଟିମ ପାଇଁ ପ୍ରବେଶିକା ଫି ୮୦୦/- ଟଙ୍କା ଧାର୍ଯ୍ୟ କରାଯାଇଅଛି ଏବଂ (ଡୁପ୍ଲିକଟେ) ପାଇଁ ୨୦୦/- ଟଙ୍କା (ପେୟାର) ପାଇଁ ଧାର୍ଯ୍ୟ କରାଯାଇଛି । ବିଜେତା ଟିମ୍କୁ ପୁରସ୍କାର ରାଶି ଦିଆଯିବାକୁ ମଧ୍ୟ ସ୍ଥିର କରାଯାଇଅଛି । ଏଥିନିମନ୍ତେ ଆଜି କ୍ଲବ ପରିସରରେ ଏକ ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଥିଲା । କେ.ସି. କ୍ଲବର ସଭାପତି ଭାଗିରଥି ଦାସ, ସମ୍ପାଦକ ସଂଗ୍ରାମ କେଶରୀ ଗୁମାନ ସିଂ, କେ.ସି. କ୍ଲବର ଗଣମାଧ୍ୟମାଞ୍ଚ ମୁଖ୍ୟ ରାମକୃଷ୍ଣ ରଥ, ସଭ୍ୟ ଆଶୁତୋଷ ରଥ, ଭବରଞ୍ଜନ ଦାସ, ରାମପ୍ରସାଦ ବାରିକ, କୃଷ୍ଣଚନ୍ଦ୍ର ସାହୁ ଓ ଧର୍ମେନ୍ଦ୍ର କୁମାର ଗୁମାନସିଂ ପ୍ରମୁଖ ଯୋଗ ଦେଇଥିଲେ । ଏହି ଖେଳରେ ଅଂଶ ଗ୍ରହଣ କରିବା ପାଇଁ ଏହି ନମ୍ବରରେ ଯୋଗାଯୋଗ – ୯୪୩୯୦୦୮୩୭୭ କରିବା ପାଇଁ ଅନୁରୋଧ କରାଯାଇଛି । ଆସନ୍ତା ୯ ତାରିଖ ପୂର୍ବରୁ ଯୋଗାଯୋଗ କରିବେ । ରିପୋର୍ଟିଙ୍ଗ ଟାଇମ ୧୦ ତାରିଖ ଦିବା ୯ ଟିକା ରହିଛି । ଖେଳାଳୀ ମାନଙ୍କ ପାଇଁ ଦୁଇଥର ଜଳଯୋଗ, ମଧ୍ୟାହ୍ନ ଭୋଜନ ଓ ରାତ୍ର ଭୋଜନର ବ୍ୟବସ୍ଥା କରାଯାଇଛି ।