ପାହାଡ଼ ନଷ୍ଟ ନେଇ ବୃନ୍ଦାବନପୁର ଗ୍ରାମବାସୀଙ୍କ ଅଭିଯୋଗ
ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସଦର ବ୍ଲକ ଅନ୍ତର୍ଗତ ବୃନ୍ଦାବନପୁରଠାରେ ଥିବା ଲଣ୍ଡାପାହାଡ଼ରେ ଜଙ୍ଗଲ ବିଭାଗ ଏବଂ ଗ୍ରାମବାସସୀଙ୍କ ମିତିତ ଉଦ୍ୟମରେ ବିଗତ ଦିନରେ ବୃକ୍ଷୋରୋପଣ କରାଯାଇ ସବୁଜିମା ସୃଷ୍ଟି ହୋଇଥିଲା । ମାତ୍ର କିଛି ଅସାମାଜିକ ବ୍ୟକ୍ତି ଉକ୍ତ ପାହାଡ଼କୁ ଜେସିବି ଦ୍ୱାରା ଖୋଳିବା ସହ ଗଛଲତା କାଟି ନଷ୍ଟ କରିଥିବା ଗ୍ରାମବାସୀମାନେ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି । ମୋରମ ବ୍ୟବସାୟ କରିବା ଉଦ୍ଦେଶ୍ୟରେ ଏହି ଅସମାଜିକ କାର୍ଯ୍ୟକଳାପ ବୃଦ୍ଧି ପାଇଥିବା ନେଇ ଗ୍ରାମବାସୀମାନେ ଅଭିଯୋଗ କରିବା ସହ କମ୍ପ୍ରେସର ମେସିନ ଦ୍ୱାରା ପାହାଡ଼ ଫଟା ଯାଉଥିବାରୁ ଜୀବନ ପ୍ରତି ବିପଦ ରହିଛି । ଏନେଇ ଗ୍ରାମବାସୀଙ୍କ ତରଫରୁ ଉକ୍ତବ୍ୟକ୍ତିଙ୍କୁ ପଚାରିବା ବେଳେ ସେମାନେ ଆରଆଇ, ପୁଲିସ ଓ ତହସିଲଦାରଙ୍କୁ ଟଙ୍କା ଦେଉଥିବା ନେଇ ମନ୍ତବ୍ୟ ଦେଉଛନ୍ତି ବୋଲି ବୃନ୍ଦାବନପୁର ବାସୀ ଜିଲ୍ଲାପାଳଙ୍କୁ ଅଭିଯୋଗ କରିଛନ୍ତି ।
