କୁହୁଡ଼ି ୧-୦ ଗୋଲରେ ବିଜୟୀ

ଇଟାମାଟୀ ଫୁଟବଲ ଟୁନାମେଣ୍ଟ

ନୟାଗଡ଼, (ବାଘୁଆବାର୍ତ୍ତା): ଯଦୁମଣୀ ଆଥଲେଟିକ ଆସୋସିଏସନ ତରଫରୁ ରାଜ୍ୟ ସ୍ତରୀୟ ଫୁଟବଲ ଟୁନାମେଣ୍ଟଉଦଘାଟିତ ହୋଇଯାଇଛି । ସମାଜସେବୀ ସାଓରମଲ ଅଗ୍ରୱାଲ, ସ୍ଥାନୀୟ ସରପଂଚ ସୋନାଲିକା ମନ୍ଥନ, ସମିତି ସଭ୍ୟ ବବିତା ରାଣୀ ଜେନା, ଇଟାମାଟୀ ମହାବିଦ୍ୟାଳୟ ଅଧ୍ୟକ୍ଷ ଅଶୋକ ନାୟକ ପ୍ରମୂଖ ଅତିଥି ଭାବେ ଯୋଗ ଦେଇଥିଲେ । ଆଜିର ମ୍ୟାଚରେ ଆରକେ ଏକାଡେମୀ ନୟାଗଡ଼ ବନାମ ମହାବୀର ସ୍ପୋଟିଂ କ୍ଲବ କୁହୁଡ଼ି ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା । ଏହି ମ୍ୟାଚରେ ୧-୦ ଗୋଲରେ କୁହୁଡ଼ି ଦଳ ବିଜୟ ଲାଭ କରିଛି । ଖେଳ ପ୍ରତିନିଧି ଅମୀୟ ମୋହନ ସାହୁ ବିବରଣୀ ପ୍ରଦାନ କରିଥିଲେ ।