ନୟାଗଡ଼, (ବାଘୁଆବାର୍ତ୍ତା) : ଯଦୁମଣୀ ଆଥଲେଟିକ ଆସୋସିଏସନ ଦ୍ୱାରା ଆୟୋଜିତ ଇଙ୍କାମାଟି କପ ଫୁଟବଲ ଟୁର୍ଣ୍ଣାମେଣ୍ଟ ପ୍ରଥମ ସେମିଫାଇନାଲରେ ଆଜି ମହାବୀର ସ୍ପୋର୍ଟ୍ସ କ୍ଲବ କୁହୁଡ଼ି ଏବଂ ଗୋଲଡେନ ଷ୍ଟାର କ୍ଲବ ଜଟଣି ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା । ଏହି ମ୍ୟାଚରେ ପ୍ରଥମାର୍ଦ୍ଧରେ ଜଟଣୀ ଦଳ ୨-୦ ଗୋଲରେ ଆଗୁଆ ରହି ବିଜୟ ଲାଭ କରିବା ସହ ଫାଇନାଲ ଖେଳିବାକୁ ସମର୍ଥ ହୋଇଛି । ଏହି ଖେଳରେ ମୁଖ୍ୟ ଅତିଥି ନୟାଗଡ଼ ଏଆରସିଏସ ଭାସ୍କର ଚନ୍ଦ୍ର ପାଣିଗ୍ରାହୀ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଇଂ ସୁବାସ ଚନ୍ଦ୍ର ସ୍ୱାଇଁ, ଜିତେନ୍ଦ୍ର କୁମାର ସାହୁ, ପ୍ରହଲ୍ଲାଦ ଶାନ୍ତ ପ୍ରମୂଖ ଯୋଗ ଦେଇଥିଲେ ।
