ଇଟାମାଟୀ ଫୁଟବଲ ଟୁର୍ଣ୍ଣାମେଣ୍ଟ, ଖୋର୍ଦ୍ଧା ବିଜୟୀ

ନୟାଗଡ଼, (ବାଘୁଆବାର୍ତ୍ତା) : ଯଦୁମଣୀ ଆଥଲେଟିକ ଆସୋସିଏସନ ତରଫରୁ ରାଜ୍ୟ ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ତୃତୀୟ ଦିନରେ ୟୁଥ ସ୍ପୋର୍ଟ୍ସ କ୍ଲବ ବାଇଗୁଣିଆ ବନାମ କୋଶଳାଶୁଣୀ କ୍ଲବ ଖୋର୍ଦ୍ଦା ମଧ୍ୟରେ ଅନୁଷ୍ଠିତ ହୋଇଥିଲା । ଖେଳର ପ୍ରଥମାର୍ଦ୍ଧରେ ମ୍ୟାଚ ସଂଘର୍ଷ ପୂର୍ଣ୍ଣ ହୋଇଥିବା ବେଳେ ଦ୍ୱିତିୟାର୍ଦ୍ଧରେ ଖୋର୍ଦ୍ଧା, ବାଇଗୁଣିଆ ଦଳକୁ ଗୋଟିଏ ଗୋଲ ଦେଇ ବିଜୟୀ ହୋଇଥିଲା । ଆଜିର ଖେଳରେ ମୁଖ୍ୟ ଅତିଥି ଭାବେ ସମାଜସେବୀ ପୂର୍ଣ୍ଣଚନ୍ଦ୍ର ନାୟକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବ୍ଲକ ଉପାଧ୍ୟକ୍ଷ ସୁବାସ କହଁର, ଗଙ୍ଗାଧର ପଣ୍ଡା, ଫେଡକୋ ସହକାରୀ ଯନ୍ତ୍ରୀ ବିକାଶ ବେହେରା, ଲକ୍ଷ୍ମଣ ମଲ୍ଲ, ଦୁର୍ଯୋଧନ ବେହେରା, ଆଶିଷ କୁମାର ଅଗ୍ରୱାଲ ପ୍ରମୂଖ ଯୋଗ ଦେଇଥିଲେ । ଖେଳାଳୀ ଗଙ୍ଗାଧର ପ୍ରଧାନଙ୍କୁ ମ୍ୟାନ ଅଫ ଦ ମ୍ୟାଚ ପ୍ରଦାନ କରାଯାଇଥିଲା ।