ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ରୋଟାରି କ୍ଲବଠାରେ ଇନର୍ହ୍ୱିଲ କ୍ଲବର ୯୬ ତମ ପ୍ରତିଷ୍ଠା ଦିବସ ଅନୁଷ୍ଠିତ ହୋଇଯାଇଛି । ଇନରହ୍ୱିଲ କ୍ଲବର ସଭାପତି ରୋଜାଲିନ ପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ଉକ୍ତ ଉତ୍ସବରେ ନୟାଗଡ଼ ସ୍ୱଂୟ ଶାସିତ ମହାବିଦ୍ୟାଳୟର ଅଧ୍ୟକ୍ଷା ମେଜର ମଞ୍ଜୁଶ୍ରୀ ପତି ଯୋଗ ଦେଇଥିବା ବେଳେ ମୁଖ୍ୟ ବକ୍ତାଭାବେ ରୋଟାରୀଆନ୍ ପ୍ରସନ୍ନ କୁମାର ବସନ୍ତିଆ ଯୋଗ ଦେଇଥିଲେ । ଅତିଥିମାନେ ତାଙ୍କ ଅଭିଭାଷଣରେ ସେବାକୁ ଗୁରୁତ୍ୱ ଦେବା ସହ ଘରୋଇ ବନ୍ଧୁତା ସ୍ଥାପନ କରିବା ଏବଂ ନୂତନ ବନ୍ଧୁ ସୃଷ୍ଟି କରିବା ଉପରେ ଗୁରୁତ୍ୱ ଦେଇଥିଲେ । ଏଥିରେ ଦୁଇଜଣ ନୂତନ ସଭ୍ୟ ଯୋଗଦାନ କରିଥିଲେ । ଅନ୍ୟତମ ଅତିଥି ଭାବେ ନିରୁପମା ପଟ୍ଟନାୟକ ଏବଂ ସ୍ମିତା ସ୍ୱାଇଁ ଯୋଗ ଦେଇଥିବା ବେଳେ ଇନରହ୍ୱିଲ କ୍ଲବ ଅଫ ନୟାଗଡ଼ର ବହୁ ସଦସ୍ୟା ଯୋଗ ଦେଇଥିଲେ ।
