ନୟାଗଡ଼, (ବାଘୁଆବାର୍ତ୍ତା) : କେନ୍ଦ୍ର ସରକାର ବିଭିନ୍ନ ଧର୍ମାନୁଷ୍ଠାନ ଖୋଲିବା ପାଇଁ ଅନୁମତି ଦେଇଥିବା ବେଳେ ରାଜ୍ୟ ସରକାର ରାଜ୍ୟରେ ମନ୍ଦିରରେ ଠାକୁର ଦର୍ଶନକୁ କରୋନା ପାଇଁ ମନା କରିଛନ୍ତି । ଫଳରେ ମନ୍ଦିର ପୂଜକ ଏବଂ ନିକଟରେ ବେପାର କରି ପେଟ ପୋଷୁଥିବା ଦୀପ ଓ ଫୁଲ ଦୋକାନୀ ବହୁ କ୍ଷତିଗ୍ରସ୍ତ ହେଉଛନ୍ତି । ଯାହାକୁ ନେଇ ବିଶ୍ୱ ମାନବାଧିକାର ସୁରକ୍ଷା ସଂଗଠନର ସଭାପତି ଜ୍ୟୋତ୍ସାମୟୀ ପଟ୍ଟନାୟକ, ସାରଳା ପଟ୍ଟନାୟକ, ହରେକୃଷ୍ଣ ସାହୁ, ଯୁଗଳ ଚରଣ ପଟ୍ଟନାୟକ, ବଜେନ୍ଦ୍ର ଚନ୍ଦ୍ର ପଟ୍ଟନାୟକ ପ୍ରମୂଖ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପଦର୍ଶନ କରିଛନ୍ତି । ମନ୍ଦିର ଖୋଲିବା ପାଇଁ ସେମାନେ ଦାବି କରିବା ସହ ଗୀର୍ଜ୍ଜା, ମସଜିଦ୍ ମଧ୍ୟ ଖୋଲିବା ସହ ସାମାଜିକ ଦୂରତା ଅବଲମ୍ବନ କରିବାର ବ୍ୟବସ୍ଥା କରିବା ପାଇଁ ଦାବି କରିଛନ୍ତି ।
