ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲା ଭାପୁର ବ୍ଲକ ପଦ୍ମାବତୀ ଗ୍ରାମ ନିକଟରେ ପ୍ରବାହିତ ମହାନଦୀ ଗର୍ଭରେ ବୁଡ଼ି ରହିଥିବା ପ୍ରସିଦ୍ଧ ଗୋପିନାଥ ଦେବ ମନ୍ଦିର ସ୍ଥଳକୁ ଆଜି ଭୁବନେଶ୍ୱର ପ୍ରତ୍ନତତ୍ତ୍ୱ ବିଭାଗର ୨ଜଣ ବରିଷ୍ଠ ଅଧିକାରୀ ଏବଂ ଜିଲ୍ଲାପାଳ ଡ. ପୋମା ଟୁଡୁ, ବନଖଣ୍ଡ ଅଧିକାରୀ ଧନରାଜ୍ ଏଚ୍.ଡି ପରିଦର୍ଶନ କରିଥିଲେ । ବୁଡ଼ିଯାଇଥିବା ମନ୍ଦିରର ଦୃଶ୍ୟମାନ ହେଉଥିବା ଚୂଡ଼ାର କିଛି ଅଂଶ ଏବଂ ମହାନଦୀ କୂଳରେ ଥିବା ବାଲୁଙ୍କେଶ୍ୱର ଦେବ ମନ୍ଦିର ନିକଟରୁ ପ୍ରାୟ ୧ମିଟର ଖୋଳି ମାଟିକୁ ପ୍ରତ୍ନତତ୍ତ୍ୱ ବିଭାଗର ଅଧିକାରୀ ମାନେ ସଂଗ୍ରହ କରିଛନ୍ତି । ସେମାନେ ମଧ୍ୟ ପଦ୍ମାବତୀ ମହାନଦୀ ଘାଟ ନିକଟରୁ ମାଟି ସଂଗ୍ରହ କରିଥିଲେ । ମନ୍ଦିରର ସଂଗୃହୀତ ଅଂଶ ଏବଂ ମାଟିକୁ ପରୀକ୍ଷା କରାଯିବା ପରେ ଏହି ମନ୍ଦିର ସ୍ଥାପନ କେବେ ହୋଇଥିଲା ତାହା ଆକଳନ କରାଯିବ ବୋଲି ସେମାନେ ସୂଚନା ଦେଇଥିଲେ । ଅନ୍ୟପକ୍ଷରେ, ଜିଲାପାଳ ଡ଼.ଟୁଡୁ ମଧ୍ୟ ଏହି ସ୍ଥାନ ପରିଦର୍ଶନ କରି ଏହାର ନୈସର୍ଗିକ ମନୋରମ ଦୃଶ୍ୟ ଦେଖି ଖୁସି ବ୍ୟକ୍ତ କରିଛନ୍ତି ।
ଗୋପିନାଥ ମନ୍ଦିର ପରିଦର୍ଶନ କଲେ ଜିଲ୍ଲାପାଳ ଏବଂ ପ୍ରତ୍ନତତ୍ତ୍ୱବିତ
