ନୟାଗଡ଼ ବନ୍ଧୁ ଏସିପ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାର ସାମଗ୍ରୀକ ବିକାଶ ଦିଗରେ ଉଲ୍ଲେଖନୀୟ ଅବଦାନ ପାଇଁ ରଣପୁର ବିଧାୟକ ତଥା ଜିଲ୍ଲା ଯୋଜନା କମିଟି ଅଧ୍ୟକ୍ଷ ସତ୍ୟ ନାରାୟଣ ପ୍ରଧାନ ଚଳିତ ବର୍ଷ ‘ନୟାଗଡ଼ ଗୈାରବ’ ସମ୍ମାନରେ ସମ୍ବର୍ଦ୍ଧିତ ହେବେ । ସେହିଭଳି ଜିଲ୍ଲା ଆରକ୍ଷୀ ଅଧିକ୍ଷକ ଶଶୀଭୂଷଣ ଶତପଥୀଙ୍କୁ ‘ନୟାଗଡ଼ ବନ୍ଧୁ’ସମ୍ମାନ ପ୍ରଦାନ କରାଯିବ । ଶିକ୍ଷାବିତ ତଥା ବିଜ୍ଞାନ ସଷ୍ଟ୍ରା ଓଡ଼ିଶା ବିଜ୍ଞାନ ଏକାଡେମୀର ସଭାପତି ଡ. ପ୍ରମୋଦ ଚନ୍ଦ୍ର ମିଶ୍ରଙ୍କୁ ‘ପଠାଣି ସାମନ୍ତ ପ୍ରତିଭା’ ସମ୍ମାନ, ସାରସ୍ୱତ ସାଧକ ତଥା ଜିଲ୍ଲା ସୂଚନା ଓ ଲୋକ ସଂମ୍ପର୍କ ଅଧିକାରୀ ଡ. ପ୍ରମୋଦ କୁମାର ନାୟକଙ୍କୁ ‘ପଠାଣୀ ସାମନ୍ତ ସାହିତ୍ୟ’ ସମ୍ମାନ, ଅଧ୍ୟାପକ ରବି ଶତପଥୀଙ୍କୁ ‘ଦାସିଆ ଅଜା ସାହିତ୍ୟ’ ସମ୍ମାନରେ ସମ୍ବର୍ଦ୍ଧିତ କରାଯିବ । ବିଶ୍ୱ ବିସ୍ତୃତ ଜ୍ୟୋତି ବିଜ୍ଞାନୀ ପଠାଣି ସାମନ୍ତଙ୍କ ୧୮୫ ତମ ଜନ୍ମ ସ୍ମାରକୀ ସମାରୋହ ପାଳନ ଅବସରରେ ନୟାଗଡ଼ ମହୋତ୍ସବ ମଣ୍ଡପଠାରେ ଆସନ୍ତା ୨୪ ତାରିଖ ସଂଦ୍ଧ୍ୟାରେ ଏହି ପ୍ରତିଭୂ ମାନଙ୍କୁ ସମ୍ବର୍ଦ୍ଧିତ କରାଯିବ ବୋଲି ସାମନ୍ତ ଚନ୍ଦନ୍ଦେଶଖର ସାଂସ୍କୃତିକ ଅନୁଷ୍ଠାନର ସଂପାଦକ ପ୍ରମୋଦ ପଟ୍ଟନାୟକ ଜଣାଇଛନ୍ତି ।