ଭାଟସାହି : ‘ଗାଁ ର ନାଁ ଗାଲୁଆପୁର’

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ବ୍ଲକ ଅନ୍ତର୍ଗତ ଭାଟସାହି ଗ୍ରାମରେ କିଛି ଦିନ ହେବା ଓଡ଼ିଆ ଚଳଚିତ୍ର ଗାଁ ର ନାଁ ଗାଲୁଆପୁର ସୁଟିଙ୍ଗ ଚାଲିଥିବା ଜଣାପଡ଼ିଛି । ସ୍ୱଚ୍ଛ ଭାରତ ଉପରେ ଆଧାରିତ ଉକ୍ତ ଚଳଚ୍ଚିତ୍ରରେ ପରିସ୍କାର ପରିଚ୍ଛନତା ଉପରେ ସଚେତନତା ସୃଷ୍ଟି କରିବା ମୁଖ୍ୟ ଉଦ୍ଦେଶ୍ୟ ରହିଛି । ବ୍ୟଙ୍ଗରସ ଉପରେ ଆଧାରିତ ଏହି ଚଳଚ୍ଚିତ୍ରରେ ଏକ ଭଲ ପ୍ରେମ କାହାଣୀ ମଧ୍ୟ ରହିଥିବା ଜଣାପଡ଼ିଛି । ପ୍ରଯୋଜକ ସନ୍ତୋଷ ଶତପଥୀଙ୍କ ଦ୍ୱାରା ନିର୍ମିତ ଏହି ଚଳଚ୍ଚିତ୍ରରେ ନାୟକ ଭୂମିକାରେ କମେଡ଼ି ଷ୍ଟାର ପପୁ ପମପମ ଅଭିନୟ କରୁଥିବା ବେଳେ ନାୟିକା ଭାବେ ମନୀଷା ଧର ମହାପାତ୍ରଙ୍କୁ ଦେଖିବାକୁ ମିଳିବ । ଏଥିସହିତ ମିହିର ଦାଶ, କୁନା ତ୍ରିପାଠୀଙ୍କ ପରି ଅନେକ ବରିଷ୍ଠ କଳାକାର ମଧ୍ୟ ଚଳଚ୍ଚିତ୍ରରେ ଅଭିନୟ କରୁଥିବା ଜଣାପଡ଼ିଛି ।