ନୟାଗଡ଼,(ବାଘୁଆବାର୍ତ୍ତା): ରାଜ୍ୟ ସରକାର ପ୍ରବାସୀଙ୍କୁ ଫେରିବାକୁ ବ୍ୟବସ୍ଥା କରିଥିବା ବେଳେ ଆଜି ନୟାଗଡ଼ ଜିଲ୍ଲାକୁ ୧୬ ଜଣ ପ୍ରବାସୀ ଫେରିଥିବା ଜଣାଯାଇଛି । ଏହି ପ୍ରବାସୀଙ୍କ ମଧ୍ୟରେ ସୁରାଟରୁ ଆସିଥିବା ଟ୍ରେନ ଯୋଗେ ୯ ଜଣ ଫେରିଛନ୍ତି । ଏହି ପ୍ରବାସୀମାନେ ବ୍ରହ୍ମପୁର ଜଗନ୍ନାଥପୁର ଷ୍ଟେସନ୍ରେ ପହଂଚିବା ପରେ ସେମାନଙ୍କୁ ଜିଲ୍ଲା ପ୍ରଶାସନ ଏକ ସ୍ୱତନ୍ତ୍ର ଗାଡ଼ି ଯୋଗେ ଆଣି କ୍ୱାରେଣ୍ଟାଇନ୍ରେ ରଖିବାର ବ୍ୟବସ୍ଥା କରିଛି । ସେହିଭଳି ମହାରାଷ୍ଟ୍ରରୁ ସ୍ୱତନ୍ତ୍ର ଟ୍ରେନ ବଲାଙ୍ଗିରୀ ଜିଲ୍ଲା ଟିଟିଲାଗଡ଼ରେ ପହଂଚିବା ପରେ ସେଠାରୁ ବସ ଯୋଗେ ୭ ଜଣ ପ୍ରବାସୀଙ୍କୁ ଜିଲ୍ଲାକୁ ଅଣାଯାଉଥିବା ସୂଚନା ମିଳିଛି । ଏମାନଙ୍କୁ ପ୍ରଶାସନ ପକ୍ଷରୁ କ୍ୱାରେଣ୍ଟାଇନ୍ରେ ରଖାଯିବ । ପ୍ରତ୍ୟେକ ଦିନ ଜିଲ୍ଲାକୁ ଫେରନ୍ତା ପ୍ରବାସୀଙ୍କ ଆଗମନ ଲାଗି ରହିଛି । ଆସନ୍ତାକାଲି ୫ ଗୋଟି ଟ୍ରେନ୍ ଓଡ଼ିଶା ଆସୁଛି ସେଥିରେ ମଧ୍ୟ ନୟାଗଡ଼ ଜିଲ୍ଲାର ଅନେକ ପ୍ରବାସୀ ଥିବା ଜଣାପଡ଼ିଛି ।
