ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଶିକ୍ଷା ବିଭାଗରେ ଆଜି ସୃଷ୍ଟି ହୋଇଛି କମ୍ପନ । ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମୀଧର ବେହେରା ଆଜି ଅଚାନକ ସ୍ୱେଚ୍ଛାକୃତ୍ତ ଅବସର ପାଇଁ ଆବେଦନ କରିବାକୁ ନେଇ ଏଭଳି ପରିସ୍ଥିତି ସୃଷ୍ଟି ହୋଇଛି । ଏହାକୁ ନେଇ ଶିକ୍ଷକ ସଂଘ କର୍ମକତ୍ତାଙ୍କ ଏକ ଜରୁରୀ କାଳୀନ ବୈଠକ ମଧ୍ୟ ସଂନ୍ଧ୍ୟାରେ ବସିଛି । ନୟାଗଡ଼ ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମୀଧର ବେହେରାଙ୍କ ଚାକିରୀ କାଳ ଆହୁରୀ ଦେଢ଼ ବର୍ଷରୁ ଅଧିକ ସମୟ ରହିଥିଲା । ମାତ୍ର ଆଜି ସେ ହଠାତ୍ ସେ ସ୍ୱେଚ୍ଛାକୃତ୍ତ ଅବସର ପାଇଁ ଆବେଦନ କରି ସହ ଅନିଦ୍ଧିଷ୍ଟ କାଳ ପର୍ଯ୍ୟନ୍ତ ଛୁଟିରେ ମଧ୍ୟ ଯାଇଥିବା ଜଣାଯାଇଛି । ଜିଲ୍ଲା ଶିକ୍ଷା ଅଧିକାରୀ ଦାୟିତ୍ୱ ବ୍ୟତିତ ଶ୍ରୀଯୁକ୍ତ ବେହେରା ସମଗ୍ର ଶିକ୍ଷା ପ୍ରକଳ୍ପ ସଂଯୋଜକ ଏବଂ ଅତିରିକ୍ତ ଶିକ୍ଷା ଅଧିକାରୀ ଦାୟିତ୍ୱରେ ମଧ୍ୟ ରହିଥିଲେ । ମାତ୍ର ଆଜି ତାଙ୍କର ଏଭଳି ଅଚାନକ ଅବସରକୁ ନେଇ ଶିକ୍ଷା ବିଭାଗ ଏବଂ ଶିକ୍ଷକ ସଂଘରେ ଚାପା ଗୁଞ୍ଜରଣ ସୃଷ୍ଟି ହୋଇଛି । ଏହାକୁ ନେଇ ଆଜି ମିଳିତ ଶିକ୍ଷକ ଓ କର୍ମଚାରୀ ସଂଘ (ୟୁଟିଆ) ଏବଂ ମାଧ୍ୟମିକ ଶିକ୍ଷକ ସଂଘ (ଓସ୍ତା)ର କର୍ମକତ୍ତାମାନେ ବୈଠକ କରିଥିବା ଜଣାଯାଇଛି । ଜଣେ ଦାୟିତ୍ୱ ସଂମ୍ପର୍ଣ୍ଣ ଅଧିକାରୀ ଭାବେ ସେ ନୟାଗଡ଼ରେ କାର୍ଯ୍ୟ କରୁଥିବା ବେଳେ ତାଙ୍କର ସୁବ୍ୟବସ୍ଥା ଜିଲ୍ଲା ଶିକ୍ଷା ବିଭାଗରେ ପରିବର୍ତ୍ତନ ଆଣୁଥିଲା । ମାତ୍ର ଜଣେ ବରିଷ୍ଠ ଅଧିକାରୀ କାହିଁକି ଏଭଳି ନିଷ୍ପତ୍ତି ନେଲେ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । କିଛି କର୍ମଚାରୀଙ୍କ ଅସଦ୍ କାର୍ଯ୍ୟ ପାଇଁ ଜିଲ୍ଲା ଶିକ୍ଷା ଅଧିକାରୀ ନିନ୍ଦିତ ହେଉଥିବାରୁ ଏଭଳି ଚରମ ନିଷ୍ପତ୍ତି ନେଇଥିବା ଶିକ୍ଷକ ଏବଂ ଶିକ୍ଷକ ସଂଘରେ ଆଲୋଚନା ହେଉଛି । ଯାହାକୁ ନେଇ ଶିକ୍ଷା ବିଭାଗକୁ କଳଙ୍କ ମୁକ୍ତ କରିବା ପାଇଁ ଶିକ୍ଷକ ସଂଘ ଆନ୍ଦୋଳନାତ୍ମକ ପନ୍ଥା ଆପଣାଇବ ବୋଲି ଜଣାଯାଇଛି ।
କାହିଁକି ସ୍ୱେଚ୍ଛାକୃତ ଅବସର ଆବେଦନ କଲେ ଜିଲ୍ଲା ଶିକ୍ଷା ଅଧିକାରୀ ?
