ତିନି ଭାଇ ସମେତ, ଚାରି ଗିରଫ

୧୦ ଲିଟର ଦେଶୀ ମଦ ଜବତ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ଅନ୍ତର୍ଗତ ବାଣିଗୋଚ୍ଛା ଅଂଚଳରୁ ଅବକାରୀ ବିଭାଗ ଚଢ଼ାଉ କରି ୪ ଜଣଙ୍କୁ ଗିରଫ କରିବା ସହ ୧୦ ଲିଟର ୫ ଶହ ମିଲିଲିଟର ଦେଶୀ ମଦ ଜବତ କରିଛି । ସୂଚନାନୁସାରେ, ବାଣିଗୋଚ୍ଛା ଅନ୍ତର୍ଗତ ଗୁର୍ହା ଗ୍ରାମର ଦାଶରଥି ନାୟକଙ୍କ ତିନିପୁଅ ଦେଶୀ ମଦ ବେପାର କରୁଥିବା ନେଇ ଅବକାରୀ ବିଭାଗ କୈାଣସି ସୁତ୍ରରୁ ଖବର ପାଇ ଚଢ଼ାଉ କରୁଥିଲା । ଚଢ଼ାଉ ସମରେ ଲଖିଆ ନାୟକଙ୍କଠାରୁ ୨.୬ ଲିଟର ଦେଶୀ ମଦ ଜବତ କରାଯାଇଥିବା ବେଳେ ତାଙ୍କ ଭାଇ ଲକ୍ଷ୍ମଣ ନାୟକଙ୍କଠାରୁ ୨.୮ ଲିଟର ମଦ ଜବତ କରାଯାଇଛି । ସେହିପରି ଅନ୍ୟ ଏକ ଭାଇ ପାଣ୍ଡବ ନାୟକଙ୍କ ଠାରୁ ୨.୬ ଲିଟର ମଦ ଜବତ କରାଯାଇଛି । ସମାନ ଢଙ୍ଗରେ ଅବକାରୀ ବିଭାଗ କୁଜାମେଣ୍ଢି ଗ୍ରାମର ଶଙ୍କର ନାୟକଙ୍କ ପୁଅ ଶ୍ୟାମଘନ ନାୟକଙ୍କଠାରୁ ୨.୫ ଲିଟର ମଦ ଜବତ କରିବା ସହ ଗିରଫ କରିଛି । ଏଥି ସହିତ ବୃତଙ୍ଗ ନଦୀ କଙ୍ଗ଼ରେ ମଦ ରାନ୍ଧିବା ପାଇଁ ରଖା ଯାଇଥିବା ୨ ଶହ ଲିଟର ପୋଚକୁ ବିଭାଗ ପକ୍ଷରୁ ନଷ୍ଟ କରାଯାଇଥିବା ସୂଚନା ମିଳିଛି । ଉପରୋକ୍ତ ଚାରି ଜଣ ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯାଇଛି । ଦଶପଲ୍ଲା ଅବକାରୀ ଥାନା ଅଧିକାରୀ ସତ୍ୟ ନାରାୟଣ ଦାଶଙ୍କ ନେତୃତ୍ୱରେ ହୋଇଥିବା ଏହି ଚଙ୍ଘାଉରେ ହରପ୍ରିୟା ମଲ୍ଲୀକ, ଶରତ ଚନ୍ଦ୍ର ପରିଡ଼ା, ସୁବାଷ ଚନ୍ଦ୍ର ସେଠୀ ପ୍ରମୂଖ ସାମିଲ ହୋଇଥିଲେ ।