୧-୦ ଗୋଲରେ ଦଶପଲ୍ଲା ବିଜୟୀ
ନୟାଗଡ଼, (ବାଘୁଆବାର୍ତ୍ତା) : ଦଶପଲ୍ଲା ଗାନ୍ଧି ପଡିଆ ଠାରେ ଆଜି ଉଦ୍ଘାଟିତ ହୋଇଯାଇଛି ୨୧ ତମ ରାଜ୍ୟସ୍ତରୀୟ ଦଶପଲ୍ଲା କପ୍ ଫୁଟବଲ୍ ଟୁର୍ଣ୍ଣାମେଂଟ । ସ୍ପୋର୍ଟିଭ୍ ସ୍ପୋର୍ଟସ୍ ସୋସାଇଟି ଆନୁକୂଲ୍ୟରେ ଅନୁଷ୍ଠିତ ଉଦ୍ଘାଟନୀ ମ୍ୟାଚରେ ସ୍ପୋର୍ଟିଭ୍ ସ୍ପୋର୍ଟସ୍ ସୋସାଇଟି, ଦଶପଲ୍ଲା ଏବଂ ମଙ୍ଗଳା କ୍ଲବ, କଟକ ମଧ୍ୟରେ ଅନୁଷ୍ଠିତ ହୋଇଯାଇଛି । ଉଭୟ ଦଳର ଖେଳାଳିଙ୍କ ମଧ୍ୟରେ ସଂଘର୍ଷପୂର୍ଣ୍ଣ ଖେଳ ଅନୁଷ୍ଠିତ ହୋଇଥିଲା । ଏହି ଖେଳରେ ସ୍ପୋର୍ଟିଭ୍ ସ୍ପୋର୍ଟସ୍ ସୋସାଇଟି ୧-୦ ଗୋଲରେ ମଙ୍ଗଳା କ୍ଲବ, କଟକକୁ ୧-୦ ଗୋଲରେ ପରାସ୍ତ କରିଛି । ମୁଖ୍ୟ ଅତିଥି ଭାବେ ବିଧାୟକ ରମେଶ ଚନ୍ଦ୍ର ବେହେରା ଯୋଗ ଦେଇଥିବା ବେଳେ ଅନ୍ୟତମ ଅତିଥି ଭାବେ ପଂଚାୟତ ସମିତି ଅଧ୍ୟକ୍ଷା ସୁନନ୍ଦା ସାହୁ, ଏନ୍ଏସି ଅଧ୍ୟକ୍ଷା ବବିତା ସାହୁ ଯୋଗଦେଇଥିଲେ । କ୍ରିଡାଶିକ୍ଷକ ରାଜୁ ମହାନ୍ତି, ରବିନ୍ଦ୍ର ନାଥ ନାୟକ, ପ୍ରସନ୍ନ କୁମାର ନାୟକ ଏବଂ କୈଳାସ ବରାଡ ଖେଳ ପରିଚାଳନା କରିଥିଲେ । ଅସନ୍ତାକାଲି ସ୍ପୋର୍ଟିଭ୍ ସ୍ପୋର୍ଟସ୍ ସୋସାଇଟି, ଦଶପଲ୍ଲା ଏବଂ ୟୁନାଇଟେଡ୍ କ୍ଲବ, ଭଦ୍ରକ ମଧ୍ୟରେ ଅନୁଷ୍ଠିତ ହେବ ।
