ନୟାଗଡ଼, (ବାଘୁଆବାର୍ତ୍ତା) : ପୂର୍ବ ଶତ୍ରୁତାକୁ କେନ୍ଦ୍ର କରି ନୟାଗଡ଼ ଜିଲ୍ଲା ଦଶପଲ୍ଲା ଥାନା ଅନ୍ତର୍ଗତ ଡିହଗାଁ ନିକଟସ୍ଥ ଦ୍ୱାରଗାଁରେ ଗୋଟିଏ ପରିବାର ଉପରେ ମରଣାନ୍ତକ ଆକ୍ରମଣ ହୋଇଛି । ସୂଚନାନୁସାରେ, ଦ୍ୱାରଗାଁର ଛବି ଜେନା ଗତକାଲି ରାତିରେ ତାଙ୍କ ଚାଷ ଟଙ୍କା କଲେସ୍କନ କରି ଘରକୁ ଫେରୁଥିବା ବେଳେ ତାଙ୍କୁ ଜୀବନରେ ମାରି ଦେବା ଉଦ୍ଦେଶ୍ୟରେ ବନ୍ଧୁଆ ବରାଡ଼ଙ୍କ ପରିବାର ଛକି ରହିଥିଲେ । ଛବି ଆସି ପହଂଚିବା ବେଳକୁ ବନ୍ଧୁଆ ବରାଡ଼, ତାଙ୍କ ସ୍ତ୍ରୀ ରାଧା ବରାଡ଼, ତାଙ୍କ ଦୁଇ ପୁଅ ଶମ୍ଭୁ ବରାଡ଼ ଏବଂ ଅଶୋକ ବରାଡ଼ ତାଙ୍କ ଉପରେ ମରଣାନ୍ତକ ଆକ୍ରମଣ କରିଥିଲେ । ଛବି ମାଡ଼ ଖାଇ ଚିତ୍କାର କରିବାରୁ ଘରେ ଥିବା ତାଙ୍କ ପôତୀ ପୁଷ୍ପଲତା ଜେନା, ଦୁଇ ପୁଅ ଅଜୟ ଜେନା ଏବଂ କବି ଜେନା ଘଟଣାସ୍ଥଳରେ ପହଂଚି ଛବିଙ୍କୁ ଉଦ୍ଧାର କରିବା ଚେଷ୍ଟା କରିଥିଲେ । ମାତ୍ର ବନ୍ଧୁଆ ରକ୍ତମୁଖା ସାଜି ପୁଷ୍ପାଞ୍ଜଳୀ ଏବଂ ଦୁଇ ପୁଅଙ୍କ ମଧ୍ୟ ଆକ୍ରମଣ କରିଥିବା ନେଇ ଥାନାରେ ଅଭିଯୋଗ ହୋଇଛି । ଏହି ଆକ୍ରମଣରେ ଛବିଙ୍କ ମୁଣ୍ଡ ଫାଟି ଯାଇଥିବା ବେଳେ ପୁଷ୍ପାଞ୍ଜଳୀଙ୍କ ମୁଣ୍ଡରେ ଶକ୍ତ ଆଘାତ ଲାଗିଛି । ଏଥିସହିତ ଶରୀରର ବିଭିନ୍ନ ସ୍ଥାନରେ କ୍ଷତ ସୃଷ୍ଟି ହୋଇଛି । ସେହିଭଳି ଭାବେ ଛବିଙ୍କ ଦୁଇ ପୁଅ ଅଜୟ ଏବଂ କବି ମଧ୍ୟ ଆହାତ ହୋଇଥିବା ଜଣାଯାଇଛି । ସ୍ଥାନୀୟ ଲୋକେ ଚାରି ଜଣାଙ୍କୁ ଉଦ୍ଧାର କରି ପ୍ରଥମେ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତୀ କରିଥିବା ବେଳେ ସେଠାରୁ ଛବି ଏବଂ ପୁଷ୍ପଲତାଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିବା । ମାତ୍ର ପୁଷ୍ପାଞ୍ଜଳୀଙ୍କ ଅବସ୍ଥା ସଂଙ୍କଟାପର୍ଣ୍ଣ ଥିବାରୁ ତାଙ୍କୁ ଭୂବନେଶ୍ୱର ସ୍ଥାନାନ୍ତରିତ କରାଯାଇଥିବା ଜଣାଯାଇଛି । ଏହି ଘଟଣାକୁ ନେଇ ଛବିଙ୍କ ସାନପୁଅ ଅରୁଣ ଜେନା ଥାନାରେ ଅଭିଯୋଗ କରିଥିବା ବେଳେ ପୁଲିସ ଘଟଣାର ଛାନଭିନ୍ କରିବା ସହ ବନ୍ଧୁଆ ବରାଡ଼ଙ୍କ ଦୁଇ ପୁଅ ଶମ୍ଭୁ ବରାଡ଼ ଏବଂ ଅଶୋକ ବରାଡ଼କୁ ଗିରଫ କରିଛି ।
