ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଖେଳପଡ଼ିଆଠାରେ ଅନୁଷ୍ଠିତ ନୟାଗଡ଼ କ୍ରିକେଟ୍ କପ୍ ମ୍ୟାଚ୍ ପଞ୍ଚମ ଦିବସରେ ମୁଖ୍ୟ ଅତିଥି ଭାବେ ଅଗ୍ନିଶମ ଅଧିକାରୀ ଠାକୁର ପ୍ରସାଦ ଦଳେଇ, ସମ୍ମାନିତ ଅତିଥି ଭାବେ ଘରୋଇ ବସ ମାଲିକ ସଂଘ ସଂପାଦକ ଏସ୍.କେ ୟୁସୁଫ, ଡା ଉମେଶ ମିଶ୍ର, ପ୍ରମୋଦ ପଟ୍ଟନାୟକ, ପୂର୍ବତନ ଜିଲ୍ଲା ପରିଷଦ ସରୋଜ ରଣସିଂ ଯୋଗ ଦେଇଥିଲେ । ୮ ଗୋଟି ଦଳକୁ ନେଇ ଅନୁଷ୍ଠିତ ହେବାକୁ ଥିବା ଏହି କ୍ରିକେଟ୍ କପ୍ ଚତୁର୍ଥ ଦିବସରେ ଇଟାମାଟି ବନାମ୍ ରଙ୍ଗଣୀପାଟଣା ମଧ୍ୟରେ ସଂଘର୍ଷ ପୂର୍ଣ୍ଣ ଖେଳ ହୋଇଥିଲା । ଏଥିରେ ରଙ୍ଗଣୀପାଟଣା ଦଳ ପ୍ରଥମେ ବ୍ୟାଟିଂ କରି ୧୦୦ ରନ୍ କରିଥିବା ବେଳେ ଇଟାମାଟି ଦଳ ୧୨ ଓଭରରେ ୧୦୧ ରନ କରି ବିଜୟ ହୋଇଛି । କ୍ଲବର ସଭାପତି ସତ୍ୟବ୍ରତ ପଟ୍ଟନାୟକ ଏବଂ ସଂପାଦକ ଚିତ୍ତରଞ୍ଜନ ଜେନା ପ୍ରମୂଖ ଖେଳ ପରିଚାଳନା କରିଥିଲେ ।
