ସ୍ୱୟଂ ଶାସିତ ମହାବିଦ୍ୟାଳୟର ୫୯ତମ ବାର୍ଷିକ ଉତ୍ସବ
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାର ପ୍ରମୂଖ ମହାବିଦ୍ୟାଳୟ ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟର ୫୯ ତମ ବାର୍ଷିକ ଉତ୍ସବରେ ସମ୍ମାନିତ ଅତିଥି ଭାବେ ନୟାଗଡ଼ ଜିଲ୍ଲାପାଳ ଡ. ପୋମା ଟୁଡୁ ଯୋଗ ଦେଇ ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟ ଏକ ଶୈଖିକ ବାତାବରଣ ମଧ୍ୟରେ ପ୍ରତିଷ୍ଠିତ ହୋଇଛି । ସବୁଜିମା ଘେରା ଜଙ୍ଗଲ ଓ ପାହାଡ଼ ପାଦ ଦେଶରେ ଏକ ସୁନ୍ଦର ପରିବେଶ ମଧ୍ୟରେ ଅବସ୍ଥିତ ଏହି ମହାବିଦ୍ୟାଳୟକୁ ପ୍ଲାଷ୍ଟିକ ମୁକ୍ତ କରିବା ପାଇଁ ଜିଲ୍ଲାପାଳ ଆହ୍ୱାନ ଦେଇଥିଲେ । ପରିଶ୍ରମ କରିଚାଲିଲେ ସଫଳତା ଦିନେ ନା ଦିନେ ମିଳିବ ବୋଲି ଜିଲ୍ଲାପାଳ କହିବା ସହ ବିଫଳତା ହିଁ ସଫଳତାର ଚାବି କାଠି ବୋଲି ସେ କହିଥିଲେ । ନିଜ ପାଠ ପଢ଼ା ଜୀବନରେ ସେ ଅନେକ ବିଫଳତା ପାଇବା ପରେ ସଫଳତା ପାଇଥିବା ନେଇ ଛାତ୍ରଛାତ୍ରୀମାନଙ୍କ ଆଗରେ ପ୍ରକାଶ କରିଥିଲେ । ଜୀବନର ଲକ୍ଷ ସଠିକ ହେବା ଆବଶ୍ୟକ ବୋଲି ଜିଲ୍ଲାପାଳ ତାଙ୍କ ଅଭିଭାଷଣରେ କହିଥିଲେ ।
