ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଚିନିଶିଳ୍ପକୁ ପୁନଃ କାର୍ଯ୍ୟକ୍ଷମ ଦାବିରେ ୬ ତାରିଖରେ ନୟାଗଡ଼ ବନ୍ଦ ଡାକରା ଦେଇଥିବା ବେଳେ ଆଜି କ୍ରିୟାନୁଷ୍ଠାନ କମିଟିର ଆବାହକ ବିଶ୍ୱନାଥ ମହାପାତ୍ରଙ୍କ ଅଧ୍ୟକ୍ଷତାରେ ନୟାଗଡ଼ ସହରରେ ଜନଜାଗରଣ ସୃଷ୍ଟି କରାଯାଇଛି । ନୟାଗଡ଼ ଚିନିକଳ କ୍ରିୟାନୁଷ୍ଠାନ କମିଟି ପକ୍ଷରୁ ଆବାହକ ବିଶ୍ୱନାଥ ମହାପାତ୍ର, ସାଧାରଣ ସଂପାଦକ ସନ୍ତୋଷ କୁମାର ପ୍ରଧାନ, ମନୋଜ କୁମାର ସାହୁ, ସଂଯୋଜକ ଶିବରାମ ମହାପାତ୍ର, ଚିନିକଳ କର୍ମଚାରୀ ସଂଘ ସଭାପତି ଯୋଗେନ୍ଦ୍ର କୁମାର ଖୁଣ୍ଟିଆ ପ୍ରମୂଖ ଯୋଗ ଦେଇଥିଲେ । ୨୦୧୫ ମସିହାରୁ ଚିନିଶିଳ୍ପ ପରିଚାଳକ ବେଆଇନ ଭାବେ କାରଖାନାକୁ ତାଲ ବନ୍ଦ କରି ରଖିଥିବା ବେଳେ ଚାଷୀ ଓ ଶ୍ରମିକଙ୍କ କୋଟି କୋଟି ଟଙ୍କା ବକେୟା ରଖିଛନ୍ତି । ଏପରିସ୍ଥଳେ ବେଆଇନ ଭାବେ ବନ୍ଦ ପଡ଼ିଥିବା ଚିନିଶିଳ୍ପକୁ ପୁନଃ କାର୍ଯ୍ୟକ୍ଷମ କରିବା ନେଇ ଆସନ୍ତାକାଲି ହେବାକୁ ଥିବା ନୟାଗଡ଼ ବନ୍ଦକୁ ସଫଳ କରିବା ପାଇଁ ଆହ୍ୱାନ ଦେଇଥିଲେ ।
