ସନ୍ତୋଷ ସଭାପତି, ଶ୍ରୀଧର ସଂପାଦକ
ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଚିନିଶିଳ୍ପ କ୍ରିୟାନୁଷ୍ଠାନ କମିଟି ପୁର୍ନଗଠିତ ହୋଇଥିବା ଜଣାଯାଇଛି । କ୍ରିୟାନୁଷ୍ଠାନ କମିଟି ଆବାହକ ବିଶ୍ୱନାଥ ମହାପାତ୍ରଙ୍କ ଅଧ୍ୟକ୍ଷତାରେ ପାଣିପୋଇଲା ସ୍ଥିତ ଡାକବଙ୍ଗଳା ପରିସରରେ ଅନୁଷ୍ଠିତ ଏକ ସମାବେଶରେ ଏନେଇ ନିଷ୍ପତ୍ତି ଗ୍ରହଣ କରାଯାଇଛି । ନୂତନ ସଭାପତି ଭାବେ ନୟାଗଡ଼ର ଯୁବ ନେତା ସନ୍ତୋଷ କୁମାର ପ୍ରଧାନଙ୍କୁ ଦାୟିତ୍ୱ ପ୍ରଦାନ କରାଯାଇଥିବା ବେଳେ ଉପସଭାପତି ଭାବେ ରମେଶ ଚନ୍ଦ୍ର ବିଶ୍ୱାଳ, ସଂପାଦକ ଭାବେ ଶ୍ରୀଧର ବିଶ୍ୱାଳ, କୋଷାଧ୍ୟକ୍ଷ ଭାବେ ଲକ୍ଷ୍ମୀଧର ସାହୁ ଏବଂ ଉପଦେଷ୍ଟା ଭାବେ ବିଶ୍ୱନାଥ ମହାପାତ୍ର ଏବଂ ମନୋଜ କୁମାର ସାହୁଙ୍କୁ ମନୋନୀତ କରାଯାଇଛି । ଏଥିସହିତ ଦଶ ଜଣିଆ କମିଟି ସଭ୍ୟ ମଧ୍ୟ ମନୋନୀତ ହୋଇଥିବା ଜଣାଯାଇଛି । ୨୦୧୫ ମସିହାରୁ ନୟାଗଡ଼ ଚିନିଶିଳ୍ପ ବନ୍ଦ ପଡ଼ିଥିବା ବେଳେ ଏହାକୁ ପରିଚାଳନା ଦାୟିତ୍ୱ ନେଇଥିବା ଶିଳ୍ପପତି ତୈଲୋକ୍ୟ ମିଶ୍ର ଚାଷ, ଶ୍ରମିକଙ୍କ କୋଟି କୋଟି ଟଙ୍କା ବକେୟା ରଖିଛନ୍ତି । ଚିନିକଳ କର୍ମଚାରୀଙ୍କ ପାଇଁ ଦୀର୍ଘ ଦିନ ହେବ ଲଢ଼େଇ କରୁଥିବା ଶ୍ରମିକ ନେତା ଯୋଗେନ୍ଦ୍ର ଖୁଣ୍ଟିଆଙ୍କ ନିକଟରେ ପରଲୋକ ଘଟିଥିବା ବେଳେ ଆଗାମୀ ଦିନରେ ଆନ୍ଦୋଳନକୁ ଜୋରଦାର କରିବାକୁ ନୂତନ କମିଟି କାର୍ଯ୍ୟ ଆରମ୍ଭ କରିବ ବୋଲି ସଭାପତି ଶ୍ରୀଯୁକ୍ତ ପ୍ରଧାନ ସୂଚନା ଦେଇଛନ୍ତି ।
